慶吉家 (Closed)

如果近年係灣仔返工返學嘅朋友都可能對「慶吉家」呢個名好熟識～一間用$50咁上下就可以食到高質拉麵嘅小店，基本上日日午餐時間學生哥同打工仔都要鬥快去霸位！而我近排唔係果邊返工，最近先知佢地由迷你地鋪搬左上樓，變咗大大間，坐得好舒適！。其實佢地有好多嘢食，日式定食，飯類，小食，燒物都有～而第一次嚟我會推介一定要試拉麵，佢地啲拉麵超啱我口味！我覺得佢係港式日本拉麵入面搵到一個好好嘅平衡點，豬骨湯做得有誠意，配簡單配菜例如粟米，昆布咁，而你揀邊個餸都係好好食，無論係雞扒，豬軟骨，牛肉定叉燒～呢到都可以提一提佢地啲叉燒都唔似日本做法，而係似日式叉燒混合咗腩肉質感咁，嫰過日式做法，可以話係突破咗大家對拉麵叉燒嘅想像～。總結啦，佢係一間價格親民而服務有人情味嘅高質小店，其實就應該好多灣仔打工仔都識去～如果唔識嘅，睇咗我今次推介都要去試佢一試！順帶一提，呢排佢地玩緊儲印仔換口罩活動，如果成班同事咁去，食一兩餐都已經換到1 pack仔