Video
Read full review
2022-10-29
1036 views
龍景軒於米芝蓮界可謂人人皆知，連續多年都獲得三星級餐廳嘅美譽並保持其水準，不論係 環境、員工表現、食物味道及選材都係真正嘅登峰造極。身處於四季酒店中已有先天嘅高貴氣 派，當日餐廳安排咗我地坐窗邊位置，基本上整個維港美景都可以收納於眼底。室內以木色裝 潢為主，旁邊設有好多古色古香嘅擺設同木櫃，表面有精緻嘅雕紋並明顯有考慮到放置嘅 順序從而帶嚟層次感，令餐廳內更有種書卷雅士嘅氣色。小編距離上次食嘅時候都已經 有些時日，但都希望認真寫返食評推介比大家，因為呢間小編真係十級推薦。 ———————————————🌟龍帶玉梨香 $480 龍帶玉梨香係龍景軒多年嚟嘅招牌菜，淨係個名已經非同凡響。菜式以簿皮包住帶子以及龍 蝦，再將鮮梨放底，以鮮梨嘅微酸將帶子同龍蝦嘅鮮甜帶出，味道完美結合。面頭更加上芫荽，於薄皮下帶點清新之餘亦點綴咗成個點心。.🌟片皮乳豬件 $480 豬件一共有四件配以沙律菜歐為擺盤，乳豬件放入口並無一絲肥膩感，中間夾薄餅皮，入口非 常香脆。.🌟黑松露炸釀蟹蓋 $320 呢個係當時職員一開始就強烈推介嘅菜式，龍景軒炸釀蟹蓋好似會經常轉換款式，應該係將 炸蟹蓋嘅技術練成熟後再不停研發新嘅
🌟龍帶玉梨香 $480
龍帶玉梨香係龍景軒多年嚟嘅招牌菜，淨係個名已經非同凡響。菜式以簿皮包住帶子以及龍 蝦，再將鮮梨放底，以鮮梨嘅微酸將帶子同龍蝦嘅鮮甜帶出，味道完美結合。面頭更加上芫荽，於薄皮下帶點清新之餘亦點綴咗成個點心。
.
🌟片皮乳豬件 $480
豬件一共有四件配以沙律菜歐為擺盤，乳豬件放入口並無一絲肥膩感，中間夾薄餅皮，入口非 常香脆。
.
🌟黑松露炸釀蟹蓋 $320
呢個係當時職員一開始就強烈推介嘅菜式，龍景軒炸釀蟹蓋好似會經常轉換款式，應該係將 炸蟹蓋嘅技術練成熟後再不停研發新嘅餡料。一咬落去就已經感受到黑松露嘅香氣，繼而再到一絲絲蟹肉以及其他配料，充分感受到廚師精巧嘅刀工，令到每一個配料都切得非常細滑， 即使係唔同配料入口口感亦都非常搭配。
.
🌟薑汁龍蝦球蒸蛋白 $500
一間米芝蓮餐廳除咗要有登峰造極嘅廚藝外，仲有食材嘅來源都非常重要。職員早早就同我 哋介紹咗龍蝦嘅來源係佢哋獨家，我哋就選擇咗呢道薑汁龍蝦球蒸蛋白去一試佢獨有嘅龍 蝦。結果亦並無令我哋失望，龍蝦球肉嫩彈牙，熟度啱啱好，配上又軟又滑嘅蛋白，口感層次 非常豐富。
.
🌟紅燒澳洲和牛面肉 $460
呢道菜絕對係我全晚最驚艷嘅一道菜，牛肉燜煮數小時非常入味，牛面肉入口即溶，果度口感 真係一試難忘，味道非常濃郁，食完齒頰間依家都留有肉香。
.
🌟蘆薈金瓜露
甜品部份我哋選擇咗蘆薈金瓜露，南瓜味非常濃郁，亦好滑身可口，再配以微酸的蘆薈粒，為 呢個美食之夜劃上了完美的句號。
.
🌟餐後小食
餐後職員亦為我哋呈上餐後小食，分別係蜂蜜奶皇酥以及紅棗糕，一件相對較膩，一件較為清 新，可以供食客自行選擇，另外亦會再設一壺茶比食客配小食及消滯。
.
🌟白牡丹白茶
一開始侍茶師亦細心詢問小編對茶嘅喜好以及當日嘅心情，更考慮到當日嘅天氣再為小編推 介其中一種白茶—白牡丹，味道相對較為清甜，配以精美的茶具更有另一番風味。
.
🔶整體評價🔸
成個用餐體驗都非常好，開始時侍酒師以及侍茶師都非常專業，為我哋推介咗幾種酒同茶，非 常啱口味。每一次上菜職員都會講解得好清晰，什至感覺到佢哋都為自己餐廳嘅出品感到驕 傲。餐廳環境亦都充滿住古色古香嘅風氣又不失現代感，再加上窗外萬家燈火嘅美景，實在係 冇任何可以挑剔嘅地方。小編留意到依家嘅餐單已經同之前去食嘅時候唔同咗，特別可惜嘅 一個位係拎走咗龍帶玉梨香呢個招牌菜，想試嘅朋友可能要再等等，相信龍景軒應該唔會放 棄呢道招牌菜。如果下次再到訪我就會比較有興趣試埋下午嘅茶點，特別係馳名已久嘅鮑魚 雞粒酥，到時有機會再介紹比大家!
.
🔸味道:10/10
🔸環境:9/10
🔸服務:9/10
🔸打卡指數:8/10
———————————————
🍽龍景軒
📍中環金融街8號香港四季酒店4樓
Podium 4, Four Seasons Hotel Hong Kong, 8 Finance Street, Central ———————————————
👉🏻#hkchiller美食地圖_中環
👉🏻#hkchiller晚餐推介
👉🏻#hkchiller_finedining
龍帶玉梨香
$480
88 views
0 likes
0 comments
紅燒澳洲和牛面肉
$460
31 views
0 likes
0 comments
Post
