Video
Read full review
2023-06-27
98 views
少爺啤嘅餐廳真係次次食都有驚喜，今次呢間都係第二次食，依然都覺得值得推介。場內真係星期一至五都咁多人，今次就同朋友坐係比較角落嘅一個bar台位。———————————————🌟啫啫雞翼煲 呢個雞翼煲係用自家水牛醬同藍芝士整，入面仲有唐芹、洋蔥等配料，一上台就已經香氣逼人。食落去嘅味道同啫啫雞本身味道都好近似，會再咸多少少，另外雞翼皮都已經煮腍埋，充滿啫啫雞風味。.🌟熱浪炸菇呢個炸菇好好食，不過個人建議唔加檸檬會比較好食。個皮一啲都唔厚，而且每件雞髀菇都好大件，連埋熱浪果種香辣味食落好滿足。.🌟麻辣牛舌呢個牛舌係凍食，慢煮牛舌加麻辣酸汁，食落有麻香味但又唔會太辣。我個人係幾鍾意佢牛舌大部份都係薄切但又唔會好細份，食落一片片好爽口開胃。.🌟炸茜牛治呢個真係今日嘅特色菜，我朋友其實本身係唔食芫茜，但因為要滿足我嘅好奇心都係叫咗嚟食。佢上菜睇落係有少少似鹹牛肉三文治，不過入面真係完全唔同。面包係以酸種麵包為主，入面夾有牛翼板肉同炸芫茜，炸芫茜食落好香口，佢係加有調味料炸，食落係咸香感覺先再慢慢食到芫茜味。另外包加有火灸腐乳同千島醬，食落成個包係味道好豐富之餘又好重口味，不過因為整體係偏咸所以一
———————————————
🌟啫啫雞翼煲
呢個雞翼煲係用自家水牛醬同藍芝士整，入面仲有唐芹、洋蔥等配料，一上台就已經香氣逼人。食落去嘅味道同啫啫雞本身味道都好近似，會再咸多少少，另外雞翼皮都已經煮腍埋，充滿啫啫雞風味。
.
🌟熱浪炸菇
呢個炸菇好好食，不過個人建議唔加檸檬會比較好食。個皮一啲都唔厚，而且每件雞髀菇都好大件，連埋熱浪果種香辣味食落好滿足。
.
🌟麻辣牛舌
呢個牛舌係凍食，慢煮牛舌加麻辣酸汁，食落有麻香味但又唔會太辣。我個人係幾鍾意佢牛舌大部份都係薄切但又唔會好細份，食落一片片好爽口開胃。
.
🌟炸茜牛治
呢個真係今日嘅特色菜，我朋友其實本身係唔食芫茜，但因為要滿足我嘅好奇心都係叫咗嚟食。佢上菜睇落係有少少似鹹牛肉三文治，不過入面真係完全唔同。面包係以酸種麵包為主，入面夾有牛翼板肉同炸芫茜，炸芫茜食落好香口，佢係加有調味料炸，食落係咸香感覺先再慢慢食到芫茜味。另外包加有火灸腐乳同千島醬，食落成個包係味道好豐富之餘又好重口味，不過因為整體係偏咸所以一定要配飲品一齊食！
.
🌟少爺啤－ 精釀手工啤
我個人叫咗No.2 Citrus Trance，加有Grapefruit Gose而且酒精只有4%，飲落係非常合我口味。整體以酸味為主，未酸到極致個人覺得可以再酸啲不過都已經好好飲。唔會覺得苦，只會有種果酸味飲落又好爽嘅感覺，但飲完後又會有少少甜味浮返出口腔。至於朋友就叫咗No. 22 Soho Mild，酒精都比較低只有3%，不過飲落會甘少少，麥味相對重少少，而且最特別係佢個麥香味會一直留係口中令人回味。
Post
