Video
Read full review
2023-08-25
205 views
上次食隔離果間燒肉已經留意到呢間生蠔餐廳，門口已經show咗好幾款特色生蠔而且入面仲有好多種蠔菜式，今次終於同男朋友過嚟試！———————————————🌟岩手廣田灣生蠔 $118生蠔好大隻而且肉都好肥美，分幾啖食都仲得，食落海水味比較重唔會感覺有腥味。.🌟北海道知內產生蠔 $88咬落去爽口而且蠔味較重，仲會有少少鮮甜感。.🌟北海道仙鳳趾生蠔 $88呢種係味道相對奶香重同口感好creamy，放落口都有種牛奶張力嘅感覺，成個體驗好特別。.🌟燒牛柳沙律 $158牛柳嘅選材真係唔話得，牛肉本身其實比較生但係一個肉質真係冇得頂，完全冇筋之餘肉身好滑，而且佢個熟成度其實掌握得好好，切開嘅每一面都好粉嫩。雖然佢有另外提供鹽調味，但真係完全唔洗加就已經可以食到好濃嘅牛肉味。.🌟明太子忌廉意大利麵 $128平時食開嘅明太子係一粒粒嘅樣，但今次呢度竟然仲係連同外層薄膜一齊提供，而且外層仲加有芝士燒過，放入口嘅味道辣辣地之餘都充滿芝士香味。意粉本身煙韌度啱啱好，醬汁份量都掌握得好好，撈勻之餘亦唔會覺得過多或不足。.🌟廣島蠔拉麵 $128一上台已經聞到個湯底好香，飲落去感覺蠔味都好重，一共有4隻廣島蠔，每隻
上次食隔離果間燒肉已經留意到呢間生蠔餐廳，門口已經show咗好幾款特色生蠔而且入面仲有好多種蠔菜式，今次終於同男朋友過嚟試！
———————————————
🌟岩手廣田灣生蠔 $118
生蠔好大隻而且肉都好肥美，分幾啖食都仲得，食落海水味比較重唔會感覺有腥味。
.
🌟北海道知內產生蠔 $88
咬落去爽口而且蠔味較重，仲會有少少鮮甜感。
.
🌟北海道仙鳳趾生蠔 $88
呢種係味道相對奶香重同口感好creamy，放落口都有種牛奶張力嘅感覺，成個體驗好特別。
.
🌟燒牛柳沙律 $158
牛柳嘅選材真係唔話得，牛肉本身其實比較生但係一個肉質真係冇得頂，完全冇筋之餘肉身好滑，而且佢個熟成度其實掌握得好好，切開嘅每一面都好粉嫩。雖然佢有另外提供鹽調味，但真係完全唔洗加就已經可以食到好濃嘅牛肉味。
.
🌟明太子忌廉意大利麵 $128
平時食開嘅明太子係一粒粒嘅樣，但今次呢度竟然仲係連同外層薄膜一齊提供，而且外層仲加有芝士燒過，放入口嘅味道辣辣地之餘都充滿芝士香味。意粉本身煙韌度啱啱好，醬汁份量都掌握得好好，撈勻之餘亦唔會覺得過多或不足。
.
🌟廣島蠔拉麵 $128
一上台已經聞到個湯底好香，飲落去感覺蠔味都好重，一共有4隻廣島蠔，每隻都好肥美。拉麵本身都煮得好彈牙，連同各種配料撈埋味道更香濃。
.
🌟鹿兒島柑橘梳打 $48
呢杯甜度唔高，柑橘味道好清新而且係果種好清甜嘅味道。
.
🌟大分酸橘梳打 $48
終於飲酸野嘅朋友仔一定唔可以錯過，酸度極高飲落好正好爽。
.
🔸整體評價🔸
整個體驗都好滿意，餐廳員工好用心介紹每個蠔品種仲會提醒我地進食嘅先後次序，而且每款食物其實都好高質，仲有好多種菜式例如串燒、前菜等未有機會試，下次再嚟又可以試多幾種新蠔🤭
Post
