Video
Read full review
2023-11-18
25 views
真心好耐冇食過咁高質嘅串燒，幾乎都燒到啱啱好，鎖死曬肉汁之餘又夠味。今次呢間居酒屋唔算好大間，但入面裝修同食物都非常高質，仲好有儀式感。———————————————🌟吞雲吐霧 $68呢個平時正常係唔會叫，但真係見到好多人食而且仲有得打卡就叫咗嚟試，一試就好有驚喜。佢係用蘋果木煙燻芝士粒，再配搭炸紫菜，芝士粒放入口果下真係令人眼前一亮，煙燻味好香好濃，連同芝士本身嘅店香真係無得頂，配埋酥脆嘅紫菜口感更豐富。.🌟松葉蟹肉拌拖羅蓉 $98蟹肉同拖羅大家互相唔會搶味，上面有咸咸地嘅黃金飛魚子，基本上係唔洗點豉油就已經夠曬味。.🌟生蠔 $68/隻呢個蠔係日本嘅室津蠔，上面配有酸酸甜甜嘅木魚花啫喱，成個放入口真係又肥美又鮮甜，令人回味無窮。.🌟螢光魷魚沖水金漬 $48好耐冇試過食螢光魷魚，味道好濃郁而且仲要一咬就爆汁😍.🌟三點貝刺身盛 $238作為一個貝類愛好者見到真係一定要叫，三種貝分別係帆立貝、北寄貝同赤貝，全部都係新鮮開出嚟。最令我難忘就係北寄貝，本身真係好大個切完都有好多件，而且食落好爽口彈牙仲好鮮甜。.🌟串燒串燒整體都好多汁好好味，特別推薦叫咗個太刀魚汁燒，算係一種香港居酒屋比較少有嘅
真心好耐冇食過咁高質嘅串燒，幾乎都燒到啱啱好，鎖死曬肉汁之餘又夠味。今次呢間居酒屋唔算好大間，但入面裝修同食物都非常高質，仲好有儀式感。
———————————————
🌟吞雲吐霧 $68
呢個平時正常係唔會叫，但真係見到好多人食而且仲有得打卡就叫咗嚟試，一試就好有驚喜。佢係用蘋果木煙燻芝士粒，再配搭炸紫菜，芝士粒放入口果下真係令人眼前一亮，煙燻味好香好濃，連同芝士本身嘅店香真係無得頂，配埋酥脆嘅紫菜口感更豐富。
.
🌟松葉蟹肉拌拖羅蓉 $98
蟹肉同拖羅大家互相唔會搶味，上面有咸咸地嘅黃金飛魚子，基本上係唔洗點豉油就已經夠曬味。
.
🌟生蠔 $68/隻
呢個蠔係日本嘅室津蠔，上面配有酸酸甜甜嘅木魚花啫喱，成個放入口真係又肥美又鮮甜，令人回味無窮。
.
🌟螢光魷魚沖水金漬 $48
好耐冇試過食螢光魷魚，味道好濃郁而且仲要一咬就爆汁😍
.
🌟三點貝刺身盛 $238
作為一個貝類愛好者見到真係一定要叫，三種貝分別係帆立貝、北寄貝同赤貝，全部都係新鮮開出嚟。最令我難忘就係北寄貝，本身真係好大個切完都有好多件，而且食落好爽口彈牙仲好鮮甜。
.
🌟串燒
串燒整體都好多汁好好味，特別推薦叫咗個太刀魚汁燒，算係一種香港居酒屋比較少有嘅串燒，燒到皮香肉嫩都幾唔錯。另外個人認為雞腿肉都唔可以錯過，比雞翼更正，一啖咬落去大舊肉仲有油汁滲出超正。
.
🔸整體評價🔸
呢間居酒屋整體食物都真係稱得上好高質，價錢方面其實係有個別菜式會貴少少，但整體其實性價比都算高，雞肉串燒基本上都係$30，日式居酒屋黎講真係物美價廉，要大大力推薦👍🏻
Post
