Video
Read full review
2024-09-17
960 views
銅鑼灣一期呢幢商業大廈，入面佈滿咗唔少餐廳，嚟到呢度～除咗可以食放題、打邊爐之外，其實仲有一間深藏不露嘅韓國餐廳「韓雅林」。「韓雅林」係由韓國人主理，連侍應都係韓國妹豬👻同佢哋落單都記得一定要講韓文（英文）😀呢間餐廳最出色就係佢哋嘅「醬油蟹」🦀，「醬油蟹」 係包咗一個牛油飯，初頭以為牛油飯係牛油+飯溝出嚟嘅飯，對於未食過嘅我嚟講真係孤陋寡聞😌「牛油飯」其實係紫菜加生蛋黃，用嚟溝醬油蟹嗰陣食😆 韓國妹豬侍應，會主動幫我哋拌飯，咁樣溝法，食落有少少牛油香味同埋鮮蟹膏味，感覺有啲驚艷😌「海鮮石鍋拌飯」 用左 魷魚、大蝦等海鮮配上紅蘿蔔絲、椰菜絲，佢哋仲加咗嘅麻油同辣醬去即席處理😍最正係有飯焦架！最後最後仲飲埋個「鮑魚蔘雞湯」，我話個湯竟然用左糯米、紅棗去煮😮我個朋友又笑我大鄉里😒佢話正宗最韓國雞湯，就係咁補，會用糯米、紅棗去煮🤪韓國妹豬侍應，真係勁貼心，連啲雞骨都會喺你面前幫手拆哂同分湯🥣 我哋仲一人分到一大碗，可能因為落咗糯米嘅關係，個感覺係有啲濃稠，加上已經拆骨嘅雞肉，飲完個湯好暖🔥🖖🏼重點！唔記得咗講🫢一埋枱，佢哋仲有六款小菜俾我哋食😋個泡菜好好食架！醬油蟹&牛油飯 $280海鮮石鍋拌
銅鑼灣一期呢幢商業大廈，入面佈滿咗唔少餐廳，嚟到呢度～除咗可以食放題、打邊爐之外，其實仲有一間深藏不露嘅韓國餐廳「韓雅林」。
「韓雅林」係由韓國人主理，連侍應都係韓國妹豬👻同佢哋落單都記得一定要講韓文（英文）😀
呢間餐廳最出色就係佢哋嘅「醬油蟹」🦀，「醬油蟹」 係包咗一個牛油飯，初頭以為牛油飯係牛油+飯溝出嚟嘅飯，對於未食過嘅我嚟講真係孤陋寡聞😌
「牛油飯」其實係紫菜加生蛋黃，用嚟溝醬油蟹嗰陣食😆 韓國妹豬侍應，會主動幫我哋拌飯，咁樣溝法，食落有少少牛油香味同埋鮮蟹膏味，感覺有啲驚艷😌
「海鮮石鍋拌飯」 用左 魷魚、大蝦等海鮮配上紅蘿蔔絲、椰菜絲，佢哋仲加咗嘅麻油同辣醬去即席處理😍最正係有飯焦架！
最後最後仲飲埋個「鮑魚蔘雞湯」，我話個湯竟然用左糯米、紅棗去煮😮我個朋友又笑我大鄉里😒佢話正宗最韓國雞湯，就係咁補，會用糯米、紅棗去煮🤪
韓國妹豬侍應，真係勁貼心，連啲雞骨都會喺你面前幫手拆哂同分湯🥣 我哋仲一人分到一大碗，可能因為落咗糯米嘅關係，個感覺係有啲濃稠，加上已經拆骨嘅雞肉，飲完個湯好暖🔥🖖🏼
重點！唔記得咗講🫢一埋枱，佢哋仲有六款小菜俾我哋食😋個泡菜好好食架！
醬油蟹&牛油飯 $280
海鮮石鍋拌飯 $160
鮑魚蔘雞湯 $258
Post
