名館 (Closed)

屋企人帶我黎名館食晚飯，話食過好味又坐得舒服。今日黎到佈置真係幾有心思，而且地方幾寬敞，座位眾多。服務員的態度都好好，有禮貌，會問下我地食物岩唔岩食之類。一行四人點了一枱食物，大滿足啊♥️陳醋珊瑚紅海蜇頭同雪茄鮮蝦春卷上桌時真係好驚喜，有乾冰的煙霧漂出黎，好迷幻。海蜇頭酸酸甜甜，又爽口，好味。春卷扮到好似雪茄咁，真係好鬼馬，有誠意!黑松露帶子炒蛋香味濃郁，炒蛋半生熟之間，十分滑溜，面頭帶子亦炸得香口。酸菜魚酸咪咪好開胃，唔係好食得辣，所以叫少辣，底下的寬粉索曬味好正。總括而言，呢度幾適合一家大小聚餐。