Video
Read full review
2019-02-22
540 views
香港已經好少主題餐廳，難得上網見到呢間以愛麗絲為主題嘅樓上cafe，抱住可以打下咭、食環境嘅心態去試下。餐廳由推門開始已經有一種進入咗花園嘅感覺，裝潢都盡量配合愛麗絲嘅主題，由於我係夜晚去，燈光偏暗，唔太重童話感覺，多返少少燈光會好啲。我哋叫咗個二人餐 $428，可以多啲野揀，包括：頭盤兩份、主菜兩份、是日甜品一款、愛麗絲杯子蛋糕一個同餐飲兩杯。食物整體一般，仍有進步空間。服務態度方面就真係如網上大家一致評論一樣：態度很差，由落單到埋單，服務員完全係有種唔想理你嘅態度去應你，每一枱客人都係咁對待。🔹 特偉兄弟孖寶 (牛肉芝士迷你漢堡 + 雞肉豆腐迷你漢堡)黑色漢堡係牛肉芝士迷你漢堡，而另一個就係雞肉豆腐迷你漢堡。漢堡包本身較乾身，而中間嘅餡雖然外層都有少少乾，但咬落去都有啲肉汁，可接受。仲附有炸薯條，呢款係似直身版炸薯圈，好香口。🔹 大烈鳥打槌球 (秘製紅黑鴛鴦雞翼)秘製紅黑鴛鴦雞翼分別係醋味同BBQ味，個人喜歡BBQ口味，因為大眾化少少，而醋味略嫌太酸，有點似糖醋排骨味😂🔹 神秘鏡中屋 (手作卡邦尼海鮮意大利麵)雖然海鮮款式比較少，得青口同蝦，但份量都多，配上蘑菇同煙肉，成碟意大利麵
餐廳由推門開始已經有一種進入咗花園嘅感覺，裝潢都盡量配合愛麗絲嘅主題，由於我係夜晚去，燈光偏暗，唔太重童話感覺，多返少少燈光會好啲。
我哋叫咗個二人餐 $428，可以多啲野揀，包括：頭盤兩份、主菜兩份、是日甜品一款、愛麗絲杯子蛋糕一個同餐飲兩杯。
食物整體一般，仍有進步空間。服務態度方面就真係如網上大家一致評論一樣：態度很差，由落單到埋單，服務員完全係有種唔想理你嘅態度去應你，每一枱客人都係咁對待。
🔹 特偉兄弟孖寶 (牛肉芝士迷你漢堡 + 雞肉豆腐迷你漢堡)
黑色漢堡係牛肉芝士迷你漢堡，而另一個就係雞肉豆腐迷你漢堡。漢堡包本身較乾身，而中間嘅餡雖然外層都有少少乾，但咬落去都有啲肉汁，可接受。仲附有炸薯條，呢款係似直身版炸薯圈，好香口。
🔹 大烈鳥打槌球 (秘製紅黑鴛鴦雞翼)
秘製紅黑鴛鴦雞翼分別係醋味同BBQ味，個人喜歡BBQ口味，因為大眾化少少，而醋味略嫌太酸，有點似糖醋排骨味😂
🔹 神秘鏡中屋 (手作卡邦尼海鮮意大利麵)
雖然海鮮款式比較少，得青口同蝦，但份量都多，配上蘑菇同煙肉，成碟意大利麵都幾豐富。而且汁份量適中，卡邦尼醬唔會太膩。
🔹 公爵夫人的寶盒 (野牛肝菌藍青口燴意大利飯)
意大利飯易入口，汁調得不錯，而且青口都算新鮮，不過食到一半就發現好多青口殼碎係飯入面，要好小心食，如果唔係好易介損咀🙈
🔹 是日甜品 - 馬卡龍 & 愛麗絲杯子蛋糕
馬卡龍唔算太甜，都OK。愛麗絲杯子蛋糕個造型幾靚，係掉轉咗嘅Alice，哈哈！當然我哋只食下層嘅朱古力蛋糕，都幾軟熟，唔會好甜。
🔹 時光怪客 (凍巨峰提子梳打) & 白皇后 (凍水蜜桃乳酸梳打)
飲品樽身掛住 "drink me"，配合返故事主題，雖然飲品顏色好吸引，但飲落好淡口，水嘅比例仲多過巨峰味道，有點失望。
📍愛麗絲的秘密花園
油麻地彌敦道577號高氏大樓6樓B號舖
．
．
環境分數：4.5/10
食物分數：5/10
Encore分數：2/10
Post
