川濃

Open Now

Now Closed

喺科學園做嘢嘅朋友就有口福啦！最近出job去到科學園，收工後就梗係要搵吓嘢食啦🍽️。原來科學園都有唔少嘢食㗎，咁啱就經過一間餐廳 - **川濃**，原來呢一間餐廳主打香辣嘅菜為主🌶️，而最近佢哋推出涮涮鍋，有牛同豬俾你選擇，成個鍋$100都唔使💰。有辣有唔辣嘅湯底選擇，而我就揀咗一個**四川雞煲川辣湯**🐔配赤肉和牛🥩，仲追加咗鮑魚🦪同牛丸兩款配料，再加上一碗悶悶嘅白飯🍚，超級滿足嘅一餐！🌟 赤肉和牛涮涮鍋 + 四川雞煲川辣湯 + 白飯 + 追加鮑魚及牛丸嗰鍋入邊已經有晒所有配料，有蘿蔔🥕、豆卜、枝竹、木耳🍄、金菇同埋生菜🥬，仲有食落去入口即溶嘅牛肉🥩。再加咗嘅鮑魚，食落去非常之爽口，而牛丸都好多汁😋。而四川雞煲川辣湯食落去辣，但唔會太辣😊。