食得招積

Open Now

Now Closed

【黃大仙區】【食得招積】同同事東海棠游吓游吓去咗新蒲崗，呢頭出名多嘢食，我哋一啲都唔擔心搵唔到餐廳。正當我行經一個街口，好鬼輕鬆咁唱住「食得招積，住得舒適」嘅時候，點知就有間叫「食得招積」嘅餐廳喺我哋面前。咁搞笑，一場嚟到，唔好諗喇，就直接試呢間啦。原來佢哋係食粉麵飯嘅，店內仲係咁播陳百強嘅歌，足證店家嘅品味。東海棠試佢哋超正招積咖哩撈出前一丁系列裡面 $50 嘅「金牌牛腩撈一丁」，佢話個牛腩幾有質素之餘，咖喱亦都非常香濃，撈埋個一丁好食。加 $2 飲「凍檸茶」，有本地茶記質素嘅。我就試 $48 嘅「招積金牌牛三寶」麵，所謂嘅牛三寶係牛腩、牛肚、牛筋，三者都唔錯，最緊要係唔會好鹹，啱晒我。而我飲嘅係加 $6 嘅「凍檸茶走甜」，茶味 okay，配合鮮切檸檬，就係一杯港式凍檸茶。兩個人埋單夾埋 $106，合情合理嘅一餐。。。（地址：新蒲崗衍慶街29號地下B號舖）@zhaoji475#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodi