San Babila

Open Now

Now Closed

【黃大仙區】【San Babila】尋日去咗行有「嘥氣商場」之稱嘅新商場「Airside」，行咗冇一陣就發覺自己有啲肚餓。本身係想喺商場度搵嘢食，但係我見可能係因為週末，啲餐廳間間都好似幾多人，而且唔係好啱我自己一個人走入去食咁，就冇食喇。好似我呢種都係去返新蒲崗嗰邊食吓茶記算喇，點知行行吓發覺好似成條街啲茶記都被我食過晒咁，自己都忍唔住苦笑咗。行返轉頭見到呢間西餐廳嘅員工企咗出嚟招客，見佢咁有誠意，姑且入去會一會佢，都係一餐半餐啫。叫咗個「午餐」，諗唔到食乜之下求其叫個 $188 嘅「香煎紐西蘭西冷配時令雜菜」，佢送是日餐湯或者沙律，我要咗餐湯「南瓜甘筍湯」，加埋塊包，感覺都唔錯。而塊扒我叫咗三成熟，係對餐廳信任嘅表現，信佢先敢叫。最後煎出嚟都有少少 over 不過我覺得可以接受，味道都可以嘅，算對得住個價嘅。嘢飲本身想叫「白俄羅斯」但店員話冇酒精嗰啲，就要加 $28 嘅「熱情果梳打」，都 okay。加一後埋單 $238，可以吖，下次可以食埋甜品。。。（地址：新蒲崗景福街59號地舖）#1amfoodie #foodie #hkfoodie #thatfoodiething #hkfo