Video
Read full review
2023-07-02
1027 views
呢排少咗過去新都城，一去發現有好多餐廳都已經唔同曬，呢間車仔麵之前都唔覺好似都係新開，咁啱同朋友都係打算搵間麵檔食就試咗吓。———————————————🌟四拼車仔麵 $49個人認為個車仔麵去吸引嘅地方係個湯底，咁啱呢排喉嚨唔太好我選擇小辣，飲落發現個湯底係超清甜，原來餐廳每日都會用慢火熬製湯底，用鮮雞、豬筒骨再配蘿蔔、昆布、洋蔥同小魚干煲，唔怪之得個湯底可以咁清甜。配料上我選擇咗秘製辣魷魚、清甜蘿蔔、香辣豬紅同咖喱豬皮，魷魚唔會好辣但好彈牙，蘿蔔有兩舊大大舊，清甜之餘仲唔會有渣。另外值得一提係我朋友都叫咗個柱候牛腩，咬落好腍好好食，都係一個值得推薦嘅配菜。.🌟咖喱薯仔薄餅 $30見到好特別就叫咗份，佢個薄餅係好薄又有少少香脆嘅果種，一共有4大塊比您，個人覺得就咁食都好正。至於咖喱汁都好香，而且係偏甜少少嘅味，薯仔食落口感有果種沙沙地嘅感覺，個人對呢個菜色係幾滿意。.🌟蜆介鯪魚餅 $30呢個係我朋友想食嘅，鯪魚餅上台已經甩到佢香煎果個顏色好令，一樣都有四塊，另外配埋個蜆介汁比你，蜆介汁第一下聞果種感覺其實個人唔係好鍾意，不過食落口真係咸香咸香咁又幾過癮，我朋友係讚不絕口話就係佢想食嘅鯪
———————————————
🌟四拼車仔麵 $49
個人認為個車仔麵去吸引嘅地方係個湯底，咁啱呢排喉嚨唔太好我選擇小辣，飲落發現個湯底係超清甜，原來餐廳每日都會用慢火熬製湯底，用鮮雞、豬筒骨再配蘿蔔、昆布、洋蔥同小魚干煲，唔怪之得個湯底可以咁清甜。配料上我選擇咗秘製辣魷魚、清甜蘿蔔、香辣豬紅同咖喱豬皮，魷魚唔會好辣但好彈牙，蘿蔔有兩舊大大舊，清甜之餘仲唔會有渣。另外值得一提係我朋友都叫咗個柱候牛腩，咬落好腍好好食，都係一個值得推薦嘅配菜。
.
🌟咖喱薯仔薄餅 $30
見到好特別就叫咗份，佢個薄餅係好薄又有少少香脆嘅果種，一共有4大塊比您，個人覺得就咁食都好正。至於咖喱汁都好香，而且係偏甜少少嘅味，薯仔食落口感有果種沙沙地嘅感覺，個人對呢個菜色係幾滿意。
.
🌟蜆介鯪魚餅 $30
呢個係我朋友想食嘅，鯪魚餅上台已經甩到佢香煎果個顏色好令，一樣都有四塊，另外配埋個蜆介汁比你，蜆介汁第一下聞果種感覺其實個人唔係好鍾意，不過食落口真係咸香咸香咁又幾過癮，我朋友係讚不絕口話就係佢想食嘅鯪魚餅🤣
.
🌟原味炸魚皮 $20
熱辣辣非常香脆，份量ok，食親車仔面見到有炸魚皮小食都係會忍唔住叫🤭
.
🔸整體評價🔸
係一間唔馬虎嘅車仔麵，單係湯底已經見到佢嘅用心👍🏻室內環境都算寬敞，仲有Wifi提供埋比客人，整體服務同食物都唔錯。
Post
