Video
Read full review
2022-04-04
4426 views
『無論味道定創意都係一流，可惜時間唔夠最後食得好趕急，整體嚟講係必定回訪之選』日法fusion就試得唔少，中法fusion都係第一次🙈呢間餐廳近年大熱，連續幾年入選亞洲50大最佳餐廳，不過今年就下降至63名。生日嘅時候好好彩book到星期六下午3點嘅Early Dinner時段🍽到埗後等左十幾分鐘要執枱，等到有d唔耐煩不過之後餐廳都送左兩杯香檳，條氣又順翻😹分為吧枱同table兩種座位，吧枱就對住開放式廚房，可以望住廚師整嘢食幾賞心悅目👨🏻🍳Weekend嘅Dinner就只可以選擇8 course menu，主菜係羊架，我唔想食羊就加左錢轉左鮑魚國王派🫔不過因為要兩人起叫同埋要加$1,580，雖然工序繁複味道亦唔錯，但我自己就覺得唔算太抵，下次應該會直接問如果唔食羊可唔可以轉其他肉類😅因為慶祝生日，會有一隻好得意嘅朱古力豬仔擺係音樂盒上面送過嚟🐷同埋會送一張即影即有，氣氛同儀式感都很夠呢🎂最可惜係有6點嘅禁堂食令，甜品環節非常匆忙，被逼要同時上兩道甜品，petit four同茶都要外賣拎走，留意到基本上每一枱客人都係呢個安排，有點戛然而止嘅感覺🥲推介 🥢Snacks 🥢Kri
『無論味道定創意都係一流，可惜時間唔夠最後食得好趕急，整體嚟講係必定回訪之選』
日法fusion就試得唔少，中法fusion都係第一次🙈呢間餐廳近年大熱，連續幾年入選亞洲50大最佳餐廳，不過今年就下降至63名。生日嘅時候好好彩book到星期六下午3點嘅Early Dinner時段🍽到埗後等左十幾分鐘要執枱，等到有d唔耐煩不過之後餐廳都送左兩杯香檳，條氣又順翻😹
分為吧枱同table兩種座位，吧枱就對住開放式廚房，可以望住廚師整嘢食幾賞心悅目👨🏻🍳Weekend嘅Dinner就只可以選擇8 course menu，主菜係羊架，我唔想食羊就加左錢轉左鮑魚國王派🫔不過因為要兩人起叫同埋要加$1,580，雖然工序繁複味道亦唔錯，但我自己就覺得唔算太抵，下次應該會直接問如果唔食羊可唔可以轉其他肉類😅
因為慶祝生日，會有一隻好得意嘅朱古力豬仔擺係音樂盒上面送過嚟🐷同埋會送一張即影即有，氣氛同儀式感都很夠呢🎂最可惜係有6點嘅禁堂食令，甜品環節非常匆忙，被逼要同時上兩道甜品，petit four同茶都要外賣拎走，留意到基本上每一枱客人都係呢個安排，有點戛然而止嘅感覺🥲
推介 🥢Snacks 🥢Kristal Caviar 🥢Sea Cucumber 🥢Crispy Daikon 🥢Strawberry
————————————————————
⦿ 8 Course Menu(HKD1880)
◎ Snacks | 4/5
好精緻嘅拼盤，印象最深刻一定係「鹹魚白菜也好好味」嗰張紙仔🥬將中餐元素巧妙融入每一道snack，味道很不錯呢
◎ Kristal Caviar | 4.5/5
魚子醬鹹香，皇帝蟹蟹肉極鮮甜🦀湯凍酸酸地好開胃，加埋唐芹非常清新
◎ Yamaguchi Red Abalone | 4/5
鮑魚茶好香濃，墊底的麵就普普通通，肝醬食唔太出，不過整體都幾夾
◎ Sea Cucumber | 4.5/5
Signature之一的海參，釀入虎蝦肉，最後噴上永利威二十年陳釀花雕🥃海參非常彈牙，而蝦汁係濃郁到食完海參都忍唔住單獨飲晒d醬汁
◎ Silver Pomfret | 4/5
好開心終於唔係立鱗燒(我實在唔識欣賞立鱗燒…) 魚肉嫩滑，淋上辣油好惹味呢
◎ Crispy Daikon | 4.5/5
素菜都可以整到咁香口真係好驚艷🤩菇菌的清香混合蛋黃的濃厚，蘿蔔輕微炸過外表脆口而入面仲好多汁
◎ Main - 28 Head Dried Abalone (+HKD1,580 for 2) | 4/5
國王派的做法，整個呈上然後侍應會分割兩份。酥皮之下仲有一層香腸包裹住28頭乾鮑。不過香腸略略遮蓋左鮑魚的香味，最後竟然係分開食先可以分辨到鮑魚的味道，呢個價錢會係俾技藝同創意，值唔值就見仁見智
◎ Dessert - Strawberry | 4.5/5
明明係好普通嘅甜品，都係士多啤梨加cream🍓但係就係出奇咁好食，士多啤梨香甜到漏，cream好軟滑奶香十足
◎ Dessert - Sweet Potato | 3.5/5
熱辣辣嘅番薯放落雪糕度，上面再瘋狂刨入黑松露片🍂番薯香甜軟綿，同雪糕好夾。不過黑松露片我地就唔太鍾意，風味唔算增添好多，但係口感好似食緊洗碗布🙊
◎ Mignarises | 4/5
帶左返屋企食嘅petit four, 正正常常嘅好食
————————————————————
♣️ VEA
☌ 中環威靈頓街198號The Wellington30樓
◔Depends (反正都要提前book位，有位就搶啦~）
回頭率：🌕🌕🌕🌕🌗
環境：🌕🌕🌕🌕🌑
份量: 🌕🌕🌕🌕🌑
味道：🌕🌕🌕🌕🌗
價錢：HKD3443p.p(incl. 10% service charge)
Post
