Video
Read full review
2023-12-28
15 views
有一晚臨時同朋友約食飯，兩個人都很餓了，打算搵間地鐵站附近嚟食。就搵到呢間cafe，真係一上出口，轉個彎就到。店內坐得都幾舒服，氣氛都唔錯，適合同朋友靜靜地坐低傾計食嘢～💡烤豬肉班尼迪蛋多士 $128呢碟賣相好靚，兩隻班尼迪蛋好似好休閒咁曬太陽，但為咗好味我都係好忍心整穿咗佢哈哈。烤豬肉係類似kebab個隻，好香口，而落埋羽衣甘藍又唔會太油。麵包唔算太硬底，好怕咬到牙都崩個隻。配菜仲有粟米、豆同千層薯仔，自己本身就好愛千層薯仔，比一般焗薯仔更有層次，又唔會有成口澱粉嘅感覺。💡避風塘蟹肉扁意粉 $158本身喺呢間咁文青嘅Cafe點呢個重口味大排檔fusion都覺得幾新奇，但試咗一啖就覺得呢碟意粉係屬於呢度～呢道菜真係幾有心思，巧妙地拎到避風塘蒜辣嘅味道，但同時又保持到好輕盈嘅口感，當中不少得豆苗嘅功勞，平衡咗強烈嘅味道又唔會搶咗fo。蟹肉同蒜撈埋，望落有啲似肉鬆，因為唔係行creamy路線，所以掛唔到蟹肉，建議食法係放落匙羹一啖食就最正！💡威士忌朱古力蛋糕 $58本來就鍾意飲威士忌，酒配朱古力都係好組合~ 酒味又可以調淡，朱古力又唔會太重口味~蛋糕質感好綿滑。💡Lemonade & La
有一晚臨時同朋友約食飯，兩個人都很餓了，打算搵間地鐵站附近嚟食。就搵到呢間cafe，真係一上出口，轉個彎就到。店內坐得都幾舒服，氣氛都唔錯，適合同朋友靜靜地坐低傾計食嘢～
💡烤豬肉班尼迪蛋多士 $128
呢碟賣相好靚，兩隻班尼迪蛋好似好休閒咁曬太陽，但為咗好味我都係好忍心整穿咗佢哈哈。烤豬肉係類似kebab個隻，好香口，而落埋羽衣甘藍又唔會太油。麵包唔算太硬底，好怕咬到牙都崩個隻。配菜仲有粟米、豆同千層薯仔，自己本身就好愛千層薯仔，比一般焗薯仔更有層次，又唔會有成口澱粉嘅感覺。
💡避風塘蟹肉扁意粉 $158
本身喺呢間咁文青嘅Cafe點呢個重口味大排檔fusion都覺得幾新奇，但試咗一啖就覺得呢碟意粉係屬於呢度～呢道菜真係幾有心思，巧妙地拎到避風塘蒜辣嘅味道，但同時又保持到好輕盈嘅口感，當中不少得豆苗嘅功勞，平衡咗強烈嘅味道又唔會搶咗fo。蟹肉同蒜撈埋，望落有啲似肉鬆，因為唔係行creamy路線，所以掛唔到蟹肉，建議食法係放落匙羹一啖食就最正！
💡威士忌朱古力蛋糕 $58
本來就鍾意飲威士忌，酒配朱古力都係好組合~ 酒味又可以調淡，朱古力又唔會太重口味~蛋糕質感好綿滑。
💡Lemonade & Latte
Lemonade 唔會甜度適中，都唔會死甜，整體都幾清新~ Latte杯拉花都幾完美，一度唔捨得飲，啡味好香，一解我咖啡嘅癮。
Post
