小王牛肉麵 (Closed)

【 令人回味的滷水拼盤 】 🌈同朋友係九龍灣德福廣場行街睇戲，到咗晚飯時間就去揾餐廳食飯，同行的兩個小朋友都話想食麵，咁我地就選擇左2期4樓的「小王牛肉麵」，餐廳員工好有禮貌，會主動問我哋需唔需要碗和叉俾小朋友用。🥬我就點了一碗排骨高麗菜湯麵，湯底清甜，排骨好大塊，肉質好林，小朋友好鍾意食。🍗朋友的台式滷肉鹽酥雞扒飯都非常好味，鹽酥雞扒炸得啱啱好，外脆內軟，肉質仲可以保持多汁。🧆講到最驚喜的就係碟「高雄滷水拼盤」，份量超多，有牛展，雞翼，滷水蛋，豬耳，大腸和豆腐，全部都好入味，令人食完想再食！🥤最後飲番杯古早冬瓜茶，一解油膩的感覺，完美！