Video
Read full review
2023-02-09
59 views
佐敦分店喺籃球場旁邊，裝修由外到內都有日本特色，木質裝潢加上柔和燈光，仲有一張圍住廚房嘅吧枱。近期拉麵湯底都講究咗唔少，再唔係只得豬骨濃湯，雞白湯都受到好多人喜愛。雞白湯要好長時熬製都真係心機之作，配上金鶴拉麵特色嘅大大舊牛蒡。💡北海道 - 蟹湯拉麵 $138身為蟹迷嘅我，見到蟹湯甘願唔試招牌雞白湯。上枱個陣出晒煙，一堆蟹肉喺中間，兩塊紫菜同一塊大叉燒。蟹肉嚟自北海道，食落都幾鮮甜，但真係太碎，一夾麵就跌晒入喲湯到就唔見晒。拉麵麵質唔係我最愛，但都可以接受，叉燒不過不失，溏心蛋合格嘅。湯底偏向清甜，口感比較濃稠，但感覺少咗幾粒鹽去提升個鮮味，整體有啲淡。💡雞白湯沾麵 $138男朋友叫咗雞白湯沾麵，我以為得我一碗淡，點知佢連沾汁都好淡，的確有雞純滑乳白濃縮精華，味道都有香醇順滑，但就欠缺鹽去提升個鮮味。雖然好掛汁，但食落都係冇咩味咁。叉燒同我個碗一樣，雞白湯另外仲有塊雞肉，但完全好似白烚咁。對於重口味嘅我，就應該唔會再食了，我諗適合啲鍾意食到食物原味又重味冇咁重嘅人。
佐敦分店喺籃球場旁邊，裝修由外到內都有日本特色，木質裝潢加上柔和燈光，仲有一張圍住廚房嘅吧枱。近期拉麵湯底都講究咗唔少，再唔係只得豬骨濃湯，雞白湯都受到好多人喜愛。雞白湯要好長時熬製都真係心機之作，配上金鶴拉麵特色嘅大大舊牛蒡。
💡北海道 - 蟹湯拉麵 $138
身為蟹迷嘅我，見到蟹湯甘願唔試招牌雞白湯。上枱個陣出晒煙，一堆蟹肉喺中間，兩塊紫菜同一塊大叉燒。蟹肉嚟自北海道，食落都幾鮮甜，但真係太碎，一夾麵就跌晒入喲湯到就唔見晒。拉麵麵質唔係我最愛，但都可以接受，叉燒不過不失，溏心蛋合格嘅。湯底偏向清甜，口感比較濃稠，但感覺少咗幾粒鹽去提升個鮮味，整體有啲淡。
💡雞白湯沾麵 $138
男朋友叫咗雞白湯沾麵，我以為得我一碗淡，點知佢連沾汁都好淡，的確有雞純滑乳白濃縮精華，味道都有香醇順滑，但就欠缺鹽去提升個鮮味。雖然好掛汁，但食落都係冇咩味咁。叉燒同我個碗一樣，雞白湯另外仲有塊雞肉，但完全好似白烚咁。
對於重口味嘅我，就應該唔會再食了，我諗適合啲鍾意食到食物原味又重味冇咁重嘅人。
Post
