煲底海鮮火鍋料理 (Closed)

係尖沙咀打滾左咁耐都未試過係樓上餐廳打邊爐🤣今日黎左呢間又有刺身食又有邊爐打嘅餐廳！#shirley帶你去尖沙咀·🥘酸菜腩肉鍋(HKD 88)新湯底味道好香花椒味，都幾辣架🌶湯底仲有好多塊腩肉，食極都食唔完。配料方面，我地叫左吊龍伴(HKD 369)，以前係潮洲嘅時候成日食🤤牛肉肉質新鮮，口感好彈牙，食落甘香。叫左碟炸午餐肉做小食，好惹味！另外仲叫左自家製三寶餃(HKD 99)、流沙墨魚丸拼爆汁和牛丸(HKD 119)，三寶餃最令我驚喜係墨魚韭菜餃，用墨魚取代新鮮豬肉，口感好爽滑，仲無咁滯👍🏼值得推介有爆汁和牛丸，牛味幾濃，而且真係做到爆汁效果！🍱五色刺身拼盤 (HKD 388)超推介嘅刺身！好新鮮，有金目鯛、汁燒帶子、清酒蒸榮螺等等🐟估唔到打邊爐都可以食到高質刺身！🦪煲底醉鮑魚(HKD 70)唔食都唔知原來每隻鮑魚已經剪左3份上碟，超體貼🤩超香酒味，爽口彈牙。飲品方面，誠意推介飲芒中柚沙冰，好Fresh！仲有甜甜嘅椰果😋配打邊爐感覺好下火～-📍煲底海鮮火鍋料理地址：尖沙咀金馬倫道38-40號金龍中心3樓