Y Dining (Closed)

【 抵食lunch套餐 】🥐早前聽朋友介紹旺角 「Y Dining」 午市套餐超抵食，除咗主菜外，仲包餐湯、頭盤、一杯飲品和滿金額仲有一份招牌Tiramisu，咁吸引，今日就帶埋哥哥一齊撐枱腳！🍹Y Dining環境設計優美，燈光悠和，坐得好舒服，店員服務態度好親切友善，會好細心介紹食品。⭐️安妮媽媽推介 :🥗我哋點了兩個餐，有熱辣辣既餐湯、頭盤有炸蠔和蟹肉忌廉薯餅，兩款炸物都好大塊，炸到外脆內軟，好香口。炸物下有新鮮既沙律，酸酸地好開胃。🍝主菜點了蕃茄青口意大利麵，青口新鮮好味，份量足好多粒，意大利麵吸哂蕃茄既酸甜醬汁，好好味。🥩另一份主菜係燒美國肉眼牛扒，點了7成熟啱啱好，肉質嫩滑，配菜有大量既蔬菜，好爽口健康。🍹餐飲就有櫻花荔枝手搖凍果茶，好香既荔枝味，好大杯又唔會好甜，哥哥好鍾意飲。🍵另一杯點了丁香檸檬蜜糖茶，係冬季限定既飲品，好推介，天氣凍既時候飲番杯，成個人都暖笠笠。🍰甜品有招牌Tiramisu，手指餅加入濃縮的咖啡和冧酒，每啖都充滿咖啡香，好好味。