三木日本料理 (Closed)

由於早前去旺角吃放題, 但因為人數唔夠而能夠開爐, 所以今次我與朋友決定轉移陣地, 去尖沙咀三木日本料理, 二小時既任點任食, 將所有既放題火鍋放量入肚~大約6pm到達, 客人唔算多, 而呢喥係分2個放題時段, 任吃任喝兩小時~ 店內既環境優雅, 空間感都充足, 坐低之後都唔會覺得好迫, 好唔舒服~而枱上既落單紙選擇好多, 我覺得比一般放題食店仲要多, 由刺身、壽司、手卷、串燒、掦物、丼烏冬、日式小食、鐵板燒及火煱等等, 冷熱食品一應俱全, 而店內除咗日本清酒及朝日啤酒需要另加收費, 其他既汽水及啤酒都係任叫任飲正當我好努力咁點菜, 職員就送咗個大大隻既牡丹蝦同帆立貝刺身上嚟, 單單睇個樣都覺得好吸引, 牡丹蝦味道鮮甜, 蝦肉晶晶瑩瑩, 肉質彈牙爽口, 唔會糊係於咀入面, 而且蝦頭內仲有d蝦膏, 入口帶有甘香美味。另外, 帆立貝味道真係超好味, 肉質緊實, 但入口又軟軟綿綿, 就算唔加任何醬料, 味道都非常清甜~既然一開始食咗刺身, 就唔好俾佢停, 呢喥既刺身非常新鮮, 係即叫即做~ 而且選擇唔少, 包括三文魚、油甘魚、鱆紅魚、吞拿魚、鯛、劍魚腩、希露魚籽、帆立貝、極大甜蝦、三木玉子燒