美盛匯 (Closed)

灣仔返工嘅我，成日都會周圍去食野，前排見到會展條橋附近building呢間可以$98任食各款中菜，就去食下！各款菜如鷄肉、炒飯、菜心、茄子、餃子、炒薯仔、魚、涼拌、番茄仔都係任食，好適合選擇困難症（例如我）！個人幾鍾意個雞肉，嫩滑得來唔乾。重點係店員都好勤力refill！餃子都好大隻，煎同湯餃子都有。另外都幾多菜款，絕對可以食得均匀！如果好彩的話，例如我去當日，仲有避風塘炒蟹，lunchtime食到蟹真係幾有驚喜！經過又好肚餓的話，值得一去。