Video
Read full review
2024-09-03
325 views
今個暑假夏天，BT21現已降臨Banchan & Cook東薈城名店倉分店 ，店內由牆上裝潢都係BT21嘅佈置，仲有今次主題推出3款以魔法為主題嘅料理，好有心思，食完仲可以喺東薈城BT21魔法主題嘅地點打卡，BT21嘅fans 千祈唔好錯過。芝士炸豬排魔法蛋包飯飯團係RJ嘅造型，賣相好可愛，飯團嘅飯粒粉分明，帶有麻油香，係韓國卷飯嘅味道；蛋包飯既滑蛋嫩滑，仲刻上英文字句，旁邊仲有新鮮沙律菜伴碟，減低油膩感。朱古力魔法甜點朱古力卷蛋係 Shooky嘅造型，好可愛，卷蛋口感軟滑，朱古力味濃郁。旁邊窩夫用上牛角包去整，口感層次感豐富，另外可以沾埋朱古力忌廉嚟食，口感好滑。巴馬火腿卡邦尼年糕年糕用上長條形幼身嘅年糕，口感煙韌，撈埋卡邦尼醬汁同埋蛋汁，每條年糕都沾滿香濃奶油同埋散發出蛋黃香氣，口感滑順，另外配上充滿咸香味道嘅巴馬火腿，好美味。魔幻星空蝶豆花蘇打蝶豆花同埋藍莓嘅天然色素豐富咗梳打嘅顏色，漸變藍色好夢幻，仲可以抗氧化同埋提高免疫力，好養生，梳打味道酸酸甜甜，啱哂炎炎夏日飲，另外有藍莓口味嘅爆珠，非常有口感。溶化朱古力好香濃嘅朱古力凍飲 ，口感幼滑，入口香醇。上層有忌廉、朱古力碎粒同埋
今個暑假夏天，BT21現已降臨Banchan & Cook東薈城名店倉分店 ，店內由牆上裝潢都係BT21嘅佈置，仲有今次主題推出3款以魔法為主題嘅料理，好有心思，食完仲可以喺東薈城BT21魔法主題嘅地點打卡，BT21嘅fans 千祈唔好錯過。
芝士炸豬排魔法蛋包飯
飯團係RJ嘅造型，賣相好可愛，飯團嘅飯粒粉分明，帶有麻油香，係韓國卷飯嘅味道；蛋包飯既滑蛋嫩滑，仲刻上英文字句，旁邊仲有新鮮沙律菜伴碟，減低油膩感。
朱古力魔法甜點
朱古力卷蛋係 Shooky嘅造型
，好可愛，卷蛋口感軟滑，朱古力味濃郁。旁邊窩夫用上牛角包去整，口感層次感豐富，另外可以沾埋朱古力忌廉嚟食，口感好滑。
巴馬火腿卡邦尼年糕
年糕用上長條形幼身嘅年糕，口感煙韌，撈埋卡邦尼醬汁同埋蛋汁，每條年糕都沾滿香濃奶油同埋散發出蛋黃香氣，口感滑順，另外配上充滿咸香味道嘅巴馬火腿，好美味。
魔幻星空蝶豆花蘇打
蝶豆花同埋藍莓嘅天然色素豐富咗梳打嘅顏色，漸變藍色好夢幻，仲可以抗氧化同埋提高免疫力，好養生，梳打味道酸酸甜甜，啱哂炎炎夏日飲，另外有藍莓口味嘅爆珠，非常有口感。
溶化朱古力
好香濃嘅朱古力凍飲 ，口感幼滑，入口香醇。上層有忌廉、朱古力碎粒同埋朱古力粉，朱古力碎粒令到成杯朱古力味道更香濃出眾，味道多層次。
Post
