大豐日本料理

Open Now

Now Closed

今日lunch去咗食學校附近嘅一間餐廳，記得前幾年仲叫緊「木屋」嘅時候已經好中意去食，雖然改咗名叫「大豐」，但學生餐嘅meau都冇咩分別【食物】我嗌咗學生餐嘅H餐，炸雞蟹籽沙津飯（＄39），配飲品或湯，我平時都係嗌飲品，可惜熱飲嘅選擇唔多，冇華田，咁所以我就嗌咗湯，個湯好似有啲咸，可能麵豉湯都係咁。😂個飯我個人覺得係幾飽嘅，不過我係女仔可能咁會易飽啲😂不過炸雞好似比平時少…唔知係咪我錯覺😂但整體都唔差嘅！【服務】服務0分！真心覺得依間餐廳嘅員工服務態度真係唔得！首先，入餐廳之前要喺出面落咗單先，我寫完張紙企喺門口，見店員收緊錢，咁我又唔急，咪等吓，點知個男職員明明見到我望住佢佢都唔理我，又走咗，直至有客人入佢先過嚟問我落咗單未同幾多位。冇講歡迎光臨同多謝幫襯。食食吓嘢走埋嚟話要埋單冇問題，但係咪應該講「唔好意思幫你埋埋張單先」而唔係「埋咗單先啦好冇」。所以我覺得服務分真係「跌破冰點」！