Video
Read full review
2015-07-02
4188 views
星期五放工放學後，好多人都由一條蟲，變返做一條龍！要好好善待自己與愛人，relax一下嘅話，搵間有live band嘅餐廳邊食邊享受音樂都不錯。識去，梗係星期五晚去啦！▼ “五”夜音樂 耳朵遊世界▼ 「牧羊少年咖啡．茶．酒館」紅咗好耐，但最近留意到有五夜音樂活動先的起心肝試。餐廳以「旅行」做主題，環境暗暗的，又不同吊燈，幾有情調。今次表演嘅係外國人組合，有keyboard、摔碟、結他，是豐富的音樂體驗！一般每週五都有不同音樂人輪流上場，不妨留意facebook公佈，等到啱嘅先去馬！▼ 餐前注意 ▼1. 不設BOOK枱。有五夜音樂function的實多人等！預等40分鐘或以上，宜早啲拎飛再周圍行吓。2. 門口有少量櫈仔(約6、7張)俾食客坐住等位。3. 唔好俾侍應哥哥大到！拎飛時佢話好full起碼要等2粒鐘，其實好多拎飛嘅會放棄，最後40分鐘就入得！好在我地早咗返去!!!過5個no.要重新再等，到時喊都無謂＠＠4. 每張枱只限坐2小時。要計好等位同音樂會開始嘅時間。▼ 松子仁香草羅勒醬墨魚仔意粉 ($76) ▼推介，好味，未食過呢隻味嘅意粉，亦相信唔咁易自己在家整同整得好味。好少意粉食
星期五放工放學後，好多人都由一條蟲，變返做一條龍！要好好善待自己與愛人，relax一下嘅話，搵間有live band嘅餐廳邊食邊享受音樂都不錯。識去，梗係星期五晚去啦！
▼ “五”夜音樂 耳朵遊世界▼ 「牧羊少年咖啡．茶．酒館」紅咗好耐，但最近留意到有五夜音樂活動先的起心肝試。餐廳以「旅行」做主題，環境暗暗的，又不同吊燈，幾有情調。今次表演嘅係外國人組合，有keyboard、摔碟、結他，是豐富的音樂體驗！一般每週五都有不同音樂人輪流上場，不妨留意facebook公佈，等到啱嘅先去馬！
▼ 餐前注意 ▼1. 不設BOOK枱。有五夜音樂function的實多人等！預等40分鐘或以上，宜早啲拎飛再周圍行吓。
2. 門口有少量櫈仔(約6、7張)俾食客坐住等位。
3. 唔好俾侍應哥哥大到！拎飛時佢話好full起碼要等2粒鐘，其實好多拎飛嘅會放棄，最後40分鐘就入得！好在我地早咗返去!!!過5個no.要重新再等，到時喊都無謂＠＠
4. 每張枱只限坐2小時。要計好等位同音樂會開始嘅時間。
▼ 松子仁香草羅勒醬墨魚仔意粉 ($76) ▼推介，好味，未食過呢隻味嘅意粉，亦相信唔咁易自己在家整同整得好味。好少意粉食入口會有嘩一聲嘅感覺，而呢碟係其一碟！
▼ 紅酒繪牛尾配飯 ($82) ▼牛尾份量很多！多肉！亦超．級．腍，一啲都唔un，有誠意woo！紅酒味濃，汁又夠多！撈飯一級捧！
▼ 奇異果荔枝鮮打 ($39) ▼ 味道OK，食到真嘅奇異果同荔枝，很fresh的味道，起碼唔係不知名的液體溝出嚟！
▼ 熱啤梨綠茶 ($28) ▼
甜甜的梨同綠茶原來好夾！仲要任你refill的，好抵叫喔！！早知兩杯都叫熱茶啦！
▼ 服務 ▼
坐低後會有人自動遞上兩杯水，加分 (個人認為呢一點對一間餐廳嚟講好重要)。其實間餐廳唔算大，待應數目都足夠，有乜需要都好快應到。
------------------------------
整體嚟講感覺不錯，很適合情侶，是一間可回頭的食店！
Post
