Video
Read full review
2015-07-22
5641 views
係香港想食K-food除咗韓式BBQ同阿豬媽式韓食屋外，宜家終於有新選擇喇﹗一向係韓國非常盛行的café熱潮終於殺到黎香港，由韓燒餐廳BBQ 7080引入的新品牌Norayo K.Café，算係香港首間的韓式特色咖啡店。不過想試呢間café就要早D去攞位嘞，因為只可以walk in排隊無得book位架，仲要齊哂人先入得，不過就有型男oppa老闆係門口嗌number叫你入去囉XD一行4人先黎就叫咗個皇牌現炒辣年糕，材料都非常之豐富，除咗主角年糕之外，仲有脆皮腸、魚飛、雞蛋、紅薯粉、韓式拉麵同大蔥，而左右的鍋邊一半就倒入蛋汁，另一邊就有芝士碎條，成鍋的份都唔細架。啱啱滾起開始食的時候，味道都幾辣，不過唔知點解越食個湯越甜，食到後期係甜到有D膩。不過整體都幾好味，年糕的份量真係好多，食極都食唔完，最可惜無午餐肉呢款配料。不過奇怪的係食咁多次呢D韓式鍋物，仲要係辣味，呢度個鍋竟然一塊泡菜都無，如果可以加番D落去就好嘞﹗側邊的芝士溶咗好好食，連埋年糕一齊食仲正﹗前菜就叫咗個牛肉沙律，出奇地好食﹗先係個沙律加咗柚子汁同肉，味道酸酸甜甜，非常好味、開胃。加埋有如和牛般入口即溶的煎牛肉，好味到…..呢
係香港想食K-food除咗韓式BBQ同阿豬媽式韓食屋外，宜家終於有新選擇喇﹗一向係韓國非常盛行的café熱潮終於殺到黎香港，由韓燒餐廳BBQ 7080引入的新品牌Norayo K.Café，算係香港首間的韓式特色咖啡店。不過想試呢間café就要早D去攞位嘞，因為只可以walk in排隊無得book位架，仲要齊哂人先入得，不過就有型男oppa老闆係門口嗌number叫你入去囉XD一行4人先黎就叫咗個皇牌現炒辣年糕，材料都非常之豐富，除咗主角年糕之外，仲有脆皮腸、魚飛、雞蛋、紅薯粉、韓式拉麵同大蔥，而左右的鍋邊一半就倒入蛋汁，另一邊就有芝士碎條，成鍋的份都唔細架。啱啱滾起開始食的時候，味道都幾辣，不過唔知點解越食個湯越甜，食到後期係甜到有D膩。不過整體都幾好味，年糕的份量真係好多，食極都食唔完，最可惜無午餐肉呢款配料。不過奇怪的係食咁多次呢D韓式鍋物，仲要係辣味，呢度個鍋竟然一塊泡菜都無，如果可以加番D落去就好嘞﹗側邊的芝士溶咗好好食，連埋年糕一齊食仲正﹗
前菜就叫咗個牛肉沙律，出奇地好食﹗先係個沙律加咗柚子汁同肉，味道酸酸甜甜，非常好味、開胃。加埋有如和牛般入口即溶的煎牛肉，好味到…..呢幾件牛肉完全係成個沙律的精髓，完全無諗D肉質係咁軟腍，誠意推介﹗
再來就點咗牛肉紫菜飯卷，味道正常無咩特別，不過勝在夠大碟，4個人每人都食到件﹗
除咗食物夠大份之外，飲品都唔細杯架﹗點咗兩款叫rita的cocktail，呢度的rita賣相夠哂特別，顏色鮮艷之餘，每杯都會將啤酒或cider倒轉插入果汁入面。呢杯青檸+檸檬rita就係配corona啤酒，酒味較濃同帶酸。另一杯西柚rita就係配apple cider，味道較甜而且容易入口，啱哂女仔飲﹗
最後當然亦唔少得點呢度的另一個皇牌– 蜜瓜牛奶雪花冰，其實齋食呢個都飽咗一半架喇﹗半個蜜瓜挖空後內裝滿牛奶味雪花冰，上面再鋪上層蜜瓜球，中間再加埋韓國超人氣的蜜瓜雪條，實在係十分之咁宏偉﹗另外仲有煉奶同朱古力漿分開上。留意返食的時候要小心D，因為D蜜瓜球隨時會跌落枱，所以記住用個碗係下面磅住呀﹗仲有D煉奶同朱古力漿最好就唔係齋淋係蜜瓜面，留返起碼一半淋落下面的雪花冰到，因為D冰得陣淡淡的奶味，要加D sauce食先夠味，又或者夾埋雪條上的蜜瓜雪糕食就perfect池嘞﹗
Post
