Wheatfield X 羅宋湯專門店 (MOKO新世紀廣場) (Closed)

每次食西餐我都必嗌紅湯(羅宋湯)，行MOKO見到有間叫羅宋湯專門店吸引我入去試試，當然講到叫羅宋湯專門店我對佢有一定期望！羅宋湯有分兩種肉類選擇：牛腩/豬髀肉Venus唔食牛所以嗌咗豬髀肉，有多款套餐選擇，叫咗一個秘製醬油撈麵套餐同一個香煎豬扒脆豬仔包套餐，蜂蜜生薑茶要加$13秘製醬油撈麵套餐+自家製麻辣醬要$2，細細羹$2有d貴，撈麵味道一般仲比較乾，係麻辣醬搭救，香煎雞扒+$12，計埋杯熱飲加埋一都$123。香煎豬扒脆豬仔包套餐比撈麵好食，豬扒入味，蕃茄、生菜都新鮮爽脆，份量都算大份，加埋碗羅宋湯都飽到主角羅宋湯，每碗都有足料蔬菜，豬髀肉都好大塊！我見2碗羅宋湯都有2大塊豬髀肉，湯料真係好足。餐廳主打跟足傳統製，飲落味帶微辣，下次再去會淨叫羅宋湯。