Video
Read full review
2022-11-30
38 views
呢間位於上環摩羅上街嘅串燒專門店，雖然位置隱蔽，但由於有唔少媒體報道過，所以一早已喺阿叔嘅wish-list入邊。呢度主打本地黃油雞串燒，佢哋嘅全體雞「從喙到尾」套餐由雞冠食到雞心、再由雞腳筋食到雞尾，平時好多食唔到嘅部位呢度都食到，真係夠晒有gimmick！👍🏽👍🏽👍🏽 🍢廚師の選 ($680)，如果你好似阿叔咁有好多雞部位都唔太食，咁你就可以試吓呢個廚師精選套餐，套餐有啲似串燒版嘅Omakase，除咗沙律、煮物、雞湯烏冬、甜品外，仲有白鱔、雞胸軟骨、雞心、牛舌、雞肉棒、黃油雞、焦糖車厘茄、秋葵8款精選串燒。 當中白鱔、雞肉棒同焦糖車厘茄絕對係阿叔嘅私心推介，白鱔燒到剛剛好，真正皮脆肉嫩兼肥美鮮味；自家製嘅雞肉棒混合咗本地黃油雞嘅雞肉、雞軟骨同洋蔥搓製而成，肉質結實，口感層次豐富；焦糖車厘茄就好似以前細個食冰糖葫蘆咁，味道甜甜地又酸酸地，非常有驚喜🤤🤤🤤！🍢串燒吸引，其他配菜亦超正，不可不提套餐最尾嘅雞湯烏冬，雞湯以雞肉熬煮8個鐘頭而成，味道非常濃厚好黏嘴咀，飲到啖啖骨膠原，冬天飲超正！😋😋😋
🍢廚師の選 ($680)，如果你好似阿叔咁有好多雞部位都唔太食，咁你就可以試吓呢個廚師精選套餐，套餐有啲似串燒版嘅Omakase，除咗沙律、煮物、雞湯烏冬、甜品外，仲有白鱔、雞胸軟骨、雞心、牛舌、雞肉棒、黃油雞、焦糖車厘茄、秋葵8款精選串燒。
當中白鱔、雞肉棒同焦糖車厘茄絕對係阿叔嘅私心推介，白鱔燒到剛剛好，真正皮脆肉嫩兼肥美鮮味；自家製嘅雞肉棒混合咗本地黃油雞嘅雞肉、雞軟骨同洋蔥搓製而成，肉質結實，口感層次豐富；焦糖車厘茄就好似以前細個食冰糖葫蘆咁，味道甜甜地又酸酸地，非常有驚喜🤤🤤🤤！
🍢串燒吸引，其他配菜亦超正，不可不提套餐最尾嘅雞湯烏冬，雞湯以雞肉熬煮8個鐘頭而成，味道非常濃厚好黏嘴咀，飲到啖啖骨膠原，冬天飲超正！😋😋😋
Post
