鳥語 (Closed)

上次食完位於K11、少女👧🏻心大爆發嘅台式café店後，同朋友都覺得唔錯，於是乎決定要幫襯埋佢哋‪位於厚福街嘅姊妹店。‬姊妹店屬於樓上café，比K11店更早開業，叫得姊妹店，雖然風格跟新店相似，但菜單就完全唔同。🙂.店內主打 #富士山黑豚肉咖哩飯 同埋 #粉紅鳥海鮮忌廉意粉，兩款賣相得意精緻，好好打卡架📸！前者賣相成座富士山🗻咁，同上次喺新店食嘅牛肝菌蔥飯相似，所以今次無叫。後者就好似倒瀉咗嘅雪糕🍦咁，粉紅色嘅造型源自於意大利軟芝士🧀中加入紅菜頭汁，味道濃郁又creamy🤤，記得食之前撈均，味道更佳。加上海鮮份量都唔少，有帶子、大蝦🦐等，以$138呢個價錢，係值得一試嘅！👍🏽.主菜唔錯，估唔到小食都好有驚喜😋！#蜜糖柚子雞翼($58)，雞翼夠肥美，柚子味夠濃，甜甜酸酸，令人開胃。😙.#蘑菇🍄薯條($68)，阿叔嘅推介👍🏽！初頭以為係炸薯條🍟配蘑菇或者配蘑菇醬，原來係原隻大啡菇切條再拎去炸，即叫即炸，新鮮熱辣🔥，薄薄嘅炸粉，juicy嘅啡菇，一啲都唔油膩，食嘅時候可點黑松露醬或者開心果醬，不過由於啡菇本身已經好夠味，所以點唔點醬都無乜所謂！😆