Video
Read full review
2021-04-16
74 views
實在太耐無烚下烚下🍲，雖然宜家有好多火鍋都有供應外賣，但阿叔👨🏾總覺得有某啲野食係要出街食先夠開心，當然最好就係一班人添啦！不過遲啲又要員工打疫苗、食客又唔知夠幾多個打疫苗先至開放至幾多數量，復雜到呢，真係佢先諗得出咁嘅抗疫措施…………………..😒😒😒 言歸正傳，每次阿叔約呢位靚女朋友👩🏻食飯，大家都會雞啄唔斷🗣，既然有排傾，不如烚住傾，所以就嚟咗呢間位於金馬倫道嘅樓上火鍋店食晚飯。我哋一行兩人火鍋前，先嚟整盤刺身拼盤 ($799) 揭開序幕，象拔蚌、金目鯛、油甘魚等刺身，款款都新鮮爽口、味道清甜，食得好滿足🤗。之後就輪到主菜 – 打邊爐。打邊爐最緊要當然係湯底🥣，經老闆介紹吓叫咗野菌黑松露湯鍋 ($129)，呢個湯底以大量新鮮菇菌熬製，再加入黑松露，好香之餘，飲落味道亦非常濃郁，飲多幾碗都唔覺膩。😋😋😋 湯底正之外，都要食材夠新鮮，阿叔覺得呢度嘅火鍋配料唔單止新鮮，而且都幾有特色，好似未喺其他店食過，老闆果然出盡心血研究，今次佢特別介紹以下幾款畀我哋： 🥟自家製黑松露帶子湯包拼自家製蟹皇包 ($119)，兩款湯包🥟皮夠薄，入邊包住好多湯汁，食嘅時候要小心爆汁呀！前者好重黑松露味，而且
言歸正傳，每次阿叔約呢位靚女朋友👩🏻食飯，大家都會雞啄唔斷🗣，既然有排傾，不如烚住傾，所以就嚟咗呢間位於金馬倫道嘅樓上火鍋店食晚飯。我哋一行兩人火鍋前，先嚟整盤刺身拼盤 ($799) 揭開序幕，象拔蚌、金目鯛、油甘魚等刺身，款款都新鮮爽口、味道清甜，食得好滿足🤗。之後就輪到主菜 – 打邊爐。打邊爐最緊要當然係湯底🥣，經老闆介紹吓叫咗野菌黑松露湯鍋 ($129)，呢個湯底以大量新鮮菇菌熬製，再加入黑松露，好香之餘，飲落味道亦非常濃郁，飲多幾碗都唔覺膩。😋😋😋
湯底正之外，都要食材夠新鮮，阿叔覺得呢度嘅火鍋配料唔單止新鮮，而且都幾有特色，好似未喺其他店食過，老闆果然出盡心血研究，今次佢特別介紹以下幾款畀我哋：
🥟自家製黑松露帶子湯包拼自家製蟹皇包 ($119)，兩款湯包🥟皮夠薄，入邊包住好多湯汁，食嘅時候要小心爆汁呀！前者好重黑松露味，而且入邊包住大大粒帶子。後者阿叔更鍾意，只因濃濃嘅蟹膏味，好似食緊蟹粉小龍包咁！🤤
🦐自家製鮮蝦蓮藕爽 ($89)，超重份量嘅配料，兩大塊蓮藕中間夾咗蝦膠，食完真係堅飽架！😏
🐮頂級新鮮手切本地肥牛 ($339)，打得邊爐點可以唔食牛架，呢度啲牛肉大大塊，色澤紅潤，脂肪分佈平均，食落好重牛味。嚟到必食！
Post
