Video
Read full review
2021-10-30
56 views
觀塘工業大廈真係有好多隱世嘅高質餐廳，今次經朋友介紹下又嚟咗一間平、靚、正嘅日式料理店食晚飯。唔好睇呢間日式料理店外貌不揚，但其實食物質數都唔算差，而且又多選擇，燒物、刺身、壽司、鍋物乜都有，最緊要價錢大眾化，所以見佢哋喺OpenRice都有唔少正評！ 精選二人套餐 (796/2位)，呢個餐有以下前菜、刺身、壽司、熱食、鍋物同甜品，乜都有啲，啱晒怕煩逐樣叫嘅阿叔。 前菜：木瓜沙律配南瓜醬，有少少辣，味道偏濃，十分惹味。 刺身盛：6款刺身包括秋刀魚、三文魚、赤蝦、帆立貝、赤貝同拖羅。秋刀魚因為時令，所以非常新鮮肥美；拖羅亦絕對無令阿叔失望，色澤粉紅，入口即溶。 壽司盛：套餐包有小肌、碎蔥吞拿魚同埋深海池魚3款壽司。雖然壽司款式唔算太多，不過有阿叔近期嘅至愛 - 深海池魚，呢款魚嘅肉質鮮嫩肥美，油脂夠厚，魚油又香，難怪越嚟越受大家歡迎。 鹽燒花魚：冷盤過後就開始熱食，花魚燒至皮脆肉嫩，記得沾埋特製醬汁，酸酸地更能帶出魚嘅鮮味。 壽喜燒鍋物：用上澳洲M9和牛同北海道豚肉，前者牛味濃郁，後者肉質嫩滑，如果多幾塊就好囉！ 成個餐比阿叔嚟之前想像中好，當然質素未必比起中環區日式料理名店，但以呢個價
精選二人套餐 (796/2位)，呢個餐有以下前菜、刺身、壽司、熱食、鍋物同甜品，乜都有啲，啱晒怕煩逐樣叫嘅阿叔。
前菜：木瓜沙律配南瓜醬，有少少辣，味道偏濃，十分惹味。
刺身盛：6款刺身包括秋刀魚、三文魚、赤蝦、帆立貝、赤貝同拖羅。秋刀魚因為時令，所以非常新鮮肥美；拖羅亦絕對無令阿叔失望，色澤粉紅，入口即溶。
壽司盛：套餐包有小肌、碎蔥吞拿魚同埋深海池魚3款壽司。雖然壽司款式唔算太多，不過有阿叔近期嘅至愛 - 深海池魚，呢款魚嘅肉質鮮嫩肥美，油脂夠厚，魚油又香，難怪越嚟越受大家歡迎。
鹽燒花魚：冷盤過後就開始熱食，花魚燒至皮脆肉嫩，記得沾埋特製醬汁，酸酸地更能帶出魚嘅鮮味。
壽喜燒鍋物：用上澳洲M9和牛同北海道豚肉，前者牛味濃郁，後者肉質嫩滑，如果多幾塊就好囉！
成個餐比阿叔嚟之前想像中好，當然質素未必比起中環區日式料理名店，但以呢個價錢阿叔又覺得唔差，有驚喜，值得一試嘅餐廳！
Post
