Video
Read full review
2023-03-25
1155 views
📍地址: 跑馬地成和道29號地舖✿😋味道😋：3/5✿🏙️環境🏙️：3/5✿🤵🏻服務🤵🏻♂️：5/5✿👀賣相👀：4/5✿💰價位💰：4/5↠⏰時段：Dinner 18:00 ↞ ✦✧ 隨住時代嘅轉變，Fine Dining 都改變咗好多，Fine dining 可以叫做精緻餐飲，著重於優雅環境、高素質美食、高級餐具、豪華排場、餐廳氣氛以及服務員貼心服務細節等等。✧✦ 不過今時今日呢個時代，對於Fine Dining有好多唔同存在嘅意思，餐廳嘅型態都越嚟越多元化，根據多位當代名廚，都對Fine dining嘅定義有唔同嘅睇法，而且都冇一個標準嘅答案。☻以跑馬地呢間「Le Grand Bleu」餐廳，標榜以新派法式Fine Dining，餐廳地點以比較遠離市區位置，裝修以懷舊古典風，而且餐廳地方算細，餐廳用開放式廚房設計，餐廳只有5張枱，只係接受預先訂位，而且會分兩個時段嘅晚餐，分別係六點同埋八點十五分；而且預訂嘅時候亦都要用信用卡Hold $600 做Booking。🔆🔆🔆總結而言，如果對於Fine Dining嘅要求比較高，呢間Casual Fine Dining就未必適合你，我個人認為呢間餐
✿😋味道😋：3/5
✿🏙️環境🏙️：3/5
✿🤵🏻服務🤵🏻♂️：5/5
✿👀賣相👀：4/5
✿💰價位💰：4/5
↠⏰時段：Dinner 18:00 ↞
✦✧ 隨住時代嘅轉變，Fine Dining 都改變咗好多，Fine dining 可以叫做精緻餐飲，著重於優雅環境、高素質美食、高級餐具、豪華排場、餐廳氣氛以及服務員貼心服務細節等等。
✧✦ 不過今時今日呢個時代，對於Fine Dining有好多唔同存在嘅意思，餐廳嘅型態都越嚟越多元化，根據多位當代名廚，都對Fine dining嘅定義有唔同嘅睇法，而且都冇一個標準嘅答案。
☻以跑馬地呢間「Le Grand Bleu」餐廳，標榜以新派法式Fine Dining，餐廳地點以比較遠離市區位置，裝修以懷舊古典風，而且餐廳地方算細，餐廳用開放式廚房設計，餐廳只有5張枱，只係接受預先訂位，而且會分兩個時段嘅晚餐，分別係六點同埋八點十五分；而且預訂嘅時候亦都要用信用卡Hold $600 做Booking。
🔆🔆🔆總結而言，如果對於Fine Dining嘅要求比較高，呢間Casual Fine Dining就未必適合你，我個人認為呢間餐廳未算喺一間高級嘅餐廳，一嚟我會比較介意Fine Dining會限時，而且真係會趕住要你走，所以用餐時間係幾趕，而環境方面因為係以開放式廚房，所以用餐時候會有好勁嘅油煙味，而最重要嘅係雖然環境昏暗，但係好多蚊蟲喺度飛嚟飛去，而且餐廳嘅格局唔係高級餐廳嘅style；不過服務態度都算幾好，普遍店員都幾細心同埋有親切嘅服務態度；而食物質素方面，未至終好有一種深刻嘅感受，不過當然價錢就算喺正正常常，未至於酒店級嘅價錢，亦都唔算話真係好抵。🔆🔆🔆
—————————————————————
🍴🇫🇷❝Premium Set❞ $880 +1
🍄🍲 ❀Morels Veloute de champignons
🍄🍲 ✿羊肚菌忌廉蘑菇湯
☞ 每一啖都食到好多蘑菇碎粒，令囗感層次好豐富，因為用咗好多蘑菇打碎同埋中式羊肚菌，而且好Creamy，食落有菇嘅鮮味。
羊肚菌忌廉蘑菇湯
38 views
1 likes
0 comments
🥖🍞 ❀Focaccia Bread
☞ 呢個麵包佢係預你飲完個湯先上嘅，因為個麵包配埋下一個菜式三文魚刁草慕絲醬嚟一齊食係非常之夾，我個人認為呢個麵包唔係話太特別。
🇯🇵⚪️ ❀Japanese Scallop
(With Smoked Salmon Dill Mousse)
🇯🇵⚪️ ✿日本帶子 伴 煙三文魚刁草慕絲
☞ 帶子都幾新鮮，而且熟度都岩岩好，食落都嫩滑，而佢嘅醬喺用三文魚打成慕絲，味道好濃郁，配埋三文魚籽，但係就唔算好特別。
日本帶子伴煙三文魚刁草慕絲
23 views
0 likes
0 comments
⏲️🐚🔥❀Slow cooked fresh Abalone
(with Abalone liver sauce)
⏲️🐚🔥✿慢煮鮮鮑魚 伴 鮑魚肝醬
☞ 呢碟喺用咗南非嘅鮑魚，本身鮑魚嘅鮮甜味唔算好出，所以加埋佢哋嘅醬汁就好食啲，佢嘅醬汁好濃郁，係用咗肝、膽、昆布而成，而鮑魚用咗慢煮方式，但係識落有少少韌，有啲overcooked🤔
—————————————————————
🇫🇷🐄🥩❀France foie gras
Australia Black Angus tenderloin
🍊🍷Smoke Curing
(apple wood , cherrywood, pear wood)
(with orange vinegar cocktail sauce)
🇫🇷🐄🥩✿法國鵝肝 • 澳洲黑安格斯牛柳
煙燻製作(蘋果木、櫻桃木、梨木）
佯鮮橙醋酒汁
☞ 呢個牛柳係我最失望嘅一道菜，牛柳經蘋果木嘅煙燻，牛柳質地唔算淋，但係就冇乜牛味，而佢冇做到外脆內軟嘅感覺，可能佢style係咁；而鵝肝算煎到外脆內軟，反而唔錯。
- - - - - - - - - - - - - - OR- - - - - - - - - - - - - -
🔥🐖❀Spanish Frenched Iberico pork rack
🍎🍑(With apple peach sour plum sauce)
🔥🐖✿西班牙伊比利亞黑毛豬鞍
🍎🍑伴蘋果蜜桃話梅汁
☞ 而呢一道菜，反而佢哋話重點喺個醬汁，黑毛豬鞍以慢煮方式煮，肉質都算嫩滑，但唔多肉汁，但配佢主打嘅蘋果蜜桃話梅汁，我個人又唔係太鍾意。
—————————————————————
🥘🍚❀Fusion risotto
(Caviar • Salmon roe • Braised Abalone)
🥘🍚✿新派意大利飯
(魚籽醬 • 三文魚子 • 燒汁鮑魚)
☞ 反而呢個Risotto幾好食，店員喺建議由左至右開始食起，即係由淡到濃味去食，而佢嘅擺盤用三個小碗，三個嘅醬汁都好creamy，而且飯粒軟硬度岩岩好，口感濕潤，而且魚子醬同埋三文魚子醬味道都好出，最後燒汁鮑魚就好fusion。
—————————————————————
🍎🍰❀Apple Crumble Cake
🍎🍰✿蘋果金寶蛋糕
☞ 呢個Apple Crumble 擺盤就真心麻麻，食落唔錯，蘋果肉嘅餡都算多。
- - - - - - - - - - - - - - OR- - - - - - - - - - - - - -
🧀🍰❀Pomelos Cheesecake
🧀🍰✿柚子芝士蛋糕
☞ 而呢個柚子芝士蛋糕，雪得好凍，食落都好fresh，而且芝士味都好香。
—————————————————————
🍾🥂🍷❝ All You Can Drink (ALcohol) ❞ + $168
🥂❀Sparkling Wine
Cornerstone Sperking France (Cote d'Or)
🍸❀White Wine
Ironstone Obsession Symphony
USA (California)
🍸❀White Wine
Milton Park Chardonnay
Australia
🍷❀Red Wine
Le Choix D'Edmond
France (Bordesux)
☞ 呢個喺以任飲嘅價錢任叫呢幾款酒，其實都幾抵，咁當然唔喺好靚嘅酒，但性價比好高，好小有Fine Dining會咁做。
Post
