Video
Read full review
2019-06-29
3599 views
一般去食おまかせ無$500都唔會落到樓，但今日去呢間おまかせ嘅lunch只係$300到。呢個價錢呢個服務呢個環境，講真性價比真係好高。今日因爲比較多人一齊食，所以無得坐bar枱，壽司唔會一件件咁由師傅放喺你面前，而改為一碟幾件咁上。當然咁樣食比起bar枱即整即食無咁perfect啦。不過店員都好有心機咁逐件逐件壽司介紹👍🏻前菜-豆腐沙律豆腐整碎左加入醬汁放喺沙律菜上，好清新開胃九洲真蠔用左土佐啫喱同魚子鋪喺生蠔上面，雖然個啫喱同魚子好好食，同埋隻蠔無咩海水味，但我始終覺得生蠔要就咁食先食得出鮮味。食落口感有d雪左好耐嘅冰爽，所以整體黎講唔太喜歡。(右起)池魚加左薑蓉，但池魚本身唔夠厚身同juicy深海池魚上面橙色嘅係魚肝，對於重口味嘅我黎講幾正，因為比較咸，同埋魚生厚厚一片，唔錯帆立貝加左柚子嘅帆立貝令到肉質更清新同爽口bb銀雪魚用左炙燒去處理，面頭配左wasabi漬，加埋個汁好好食(右起)海膽松葉蟹估唔到原來海膽同整碎左嘅松葉蟹係咁夾，個海膽好新鮮，一個字，正！甜蝦 蝦爪 蝦膏師傅將蝦爪炸左放喺甜蝦上面，個甜蝦好肥美Toro個Toro好多魚油好juicy，完全唔駛點野都已經好夠味黑松
今日因爲比較多人一齊食，所以無得坐bar枱，壽司唔會一件件咁由師傅放喺你面前，而改為一碟幾件咁上。當然咁樣食比起bar枱即整即食無咁perfect啦。不過店員都好有心機咁逐件逐件壽司介紹👍🏻
前菜-豆腐沙律
豆腐整碎左加入醬汁放喺沙律菜上，好清新開胃
九洲真蠔
用左土佐啫喱同魚子鋪喺生蠔上面，雖然個啫喱同魚子好好食，同埋隻蠔無咩海水味，但我始終覺得生蠔要就咁食先食得出鮮味。食落口感有d雪左好耐嘅冰爽，所以整體黎講唔太喜歡。
(右起)
池魚
加左薑蓉，但池魚本身唔夠厚身同juicy
深海池魚
上面橙色嘅係魚肝，對於重口味嘅我黎講幾正，因為比較咸，同埋魚生厚厚一片，唔錯
帆立貝
加左柚子嘅帆立貝令到肉質更清新同爽口
bb銀雪魚
用左炙燒去處理，面頭配左wasabi漬，加埋個汁好好食
(右起)
海膽松葉蟹
估唔到原來海膽同整碎左嘅松葉蟹係咁夾，個海膽好新鮮，一個字，正！
甜蝦 蝦爪 蝦膏
師傅將蝦爪炸左放喺甜蝦上面，個甜蝦好肥美
Toro
個Toro好多魚油好juicy，完全唔駛點野都已經好夠味
黑松露 右口魚
炙燒左右口魚，配合黑松露一齊食，黑松露好濃味
海膽
呢個海膽反而無之前個海膽咁好食，唔係幾夠甜味，不過都好鮮海膽味好重，略嫌有d過份冰凍
手卷
呢個手卷不得了！我十分推薦！手卷入面係一層層，最面係三文魚子，然後係天婦羅碎碎，最底係吞拿魚魚蓉。三文魚子好新鮮好甜，一路食d吞拿魚魚油一路漏出黎，勁香勁好食！😋
茶碗蒸
蛋上面有厚厚一層湯，令個蛋更濃味
Post
