Video
Read full review
2019-10-14
2637 views
又到一年一次細妹嘅生日飯，搵食地點都喺就番細佬妹佢哋揀深水埗區。上次同朋友去完耀東街食飯，就再過嚟元洲街食糖水時，路經呢一家「紅蕃茄餐廳」，睇吓啲定價都相宜，就諗定細妹生日飯晌度食。餐廳嘅定位屬於「豉油西餐」，亦可以睇為高檔啲嘅茶記，因為賣嘅菜式乜都有。而餐廳嘅環境幾企理，睇落都似似哋啲高級餐廳架，鋪晒枱墊，擺好晒刀叉……等等，不過，裝咗啲大電視俾街坊客餸吓飯。餐牌有可能影唔晒，似喺漏咗一、兩版，不過，加埋放晌門口嘅是日晚餐，以及裡面一啲特別餐牌，大概都了解了有啲咩選擇，確喺幾多元化。基本上，啲餐都包晒餐包、餐湯、餐飲及簡單嘅甜品，最出奇喺竟然加一都唔收喎。蒜蓉包先登場喺餐包、餐湯，選擇喺一貫好港式嘅豉油西餐選項，簡單嘅蒜蓉包，夠蒜蓉，夠香草，搽足牛油，都唔會回點唔好食。蕃茄薯仔湯紅湯叫就話叫蕃茄薯仔湯，但跟家常嘅喺一樣，反而極似羅宋湯，好濃郁，只喺少咗個辣度而已，否則，一定誤以為喺羅宋湯。粟米蘑菇忌廉湯白湯就會喺忌廉湯，濃稠度啱啱好，唔會過杰或過稀，湯內亦放咗唔少蘑菇，意外地唔喺罐頭貨嗰啲喎，算有誠意呀！晚餐F（比目魚拼春雞）$98細妹就選個雙拼晚餐，都幾好架，可以6揀2，彈性大，而
餐廳嘅定位屬於「豉油西餐」，亦可以睇為高檔啲嘅茶記，因為賣嘅菜式乜都有。而餐廳嘅環境幾企理，睇落都似似哋啲高級餐廳架，鋪晒枱墊，擺好晒刀叉……等等，不過，裝咗啲大電視俾街坊客餸吓飯。
餐牌有可能影唔晒，似喺漏咗一、兩版，不過，加埋放晌門口嘅是日晚餐，以及裡面一啲特別餐牌，大概都了解了有啲咩選擇，確喺幾多元化。基本上，啲餐都包晒餐包、餐湯、餐飲及簡單嘅甜品，最出奇喺竟然加一都唔收喎。
蒜蓉包先登場喺餐包、餐湯，選擇喺一貫好港式嘅豉油西餐選項，簡單嘅蒜蓉包，夠蒜蓉，夠香草，搽足牛油，都唔會回點唔好食。
蕃茄薯仔湯紅湯叫就話叫蕃茄薯仔湯，但跟家常嘅喺一樣，反而極似羅宋湯，好濃郁，只喺少咗個辣度而已，否則，一定誤以為喺羅宋湯。
粟米蘑菇忌廉湯白湯就會喺忌廉湯，濃稠度啱啱好，唔會過杰或過稀，湯內亦放咗唔少蘑菇，意外地唔喺罐頭貨嗰啲喎，算有誠意呀！
晚餐F（比目魚拼春雞）$98細妹就選個雙拼晚餐，都幾好架，可以6揀2，彈性大，而醬汁可選黑椒、蒜蓉或燒汁，可配白飯、意粉、薯菜，甚至什果沙律都得。比目魚有一大件，啲魚肉頗為嫩滑，都有朕朕魚鮮味，而春雞亦有半隻份量，夾埋都唔嘢少，再者，烤焗得皮脆肉香，肉質嫩滑又富肉汁。
鐵板黑椒西冷牛扒 $79細佬就想食鐵板餐，初時都怕件扒得6安士驚佢唔夠，但送到上枱，真喺覺得唔止6安士，加上配白飯，放心晒唔怕唔夠食。送到嚟先再淋上黑椒汁，咋咋聲，香氣撲鼻。件西冷牛要7乘熟，試咗一小件，我就覺得只有5乘多啲，幸而肉質唔錯，都幾軟腍，有肉味。
晚餐B（越南盲鰽魚）$88老婆就唔喜歡紅肉，所以，晚餐中以盲鰽啱佢多啲，跟蒜蓉汁，配薯菜。一整條盲鰽香煎，雖然簡單，但煎得皮脆肉嫩，輕輕沾少許蒜蓉汁，感覺好唔錯，薯菜喺炸粗薯條同羅馬生菜，前者脆而不膩，後者清新爽脆。
黑松露羊架忌廉意大利飯 $108意大利飯一晌好「蝦」人煮，唔喺間間都煮得好食，加上羊架喺小弟喜好嘅食材之一，少少順利成章就揀呢一道意大利飯。個飯睇起嚟有啲似粥，不過，攪一攪，食落又唔覺，濕潤得嚟，飯粒保持到米心硬硬哋，亦帶有幽香嘅黑松露香氣，算做得唔錯。兩支羊架都煎得火喉啱啱好，焦香而嫩滑，羊羶味唔太重，有質素。
雪糕、啫喱是日甜品一喺就薄荷朱古力雪糕，一喺就細細杯嘅啫喱（加花奶），兩款甜品都喺好「懷舊」，尤其後者，所以，兩款都試試，當然，喺無驚喜啦。
熱咖啡餐飲只喺簡單要杯熱咖啡，不過，感覺麻麻，唔似港式咖啡，入口有啲澀味，又好似有啲炒燶咖啡豆沖出嚟嘅氣味。
雖然餐廳用上Cafe名字，但營運模式、食物嘅種類，都好似花園餐廳一類嘅港式西餐。幾款主菜，雖然稱唔上好高水準，但算喺做得唔錯，加上份量足，定價又親民，招呼幾好，又無加一添。怪唔之得，見有唔少客都同啲店員或老細有傾有講，相信有唔少街坊客支持。
Post
