Simplylife Foodplace

Open Now

Now Closed

晌金鐘政府合署處理完文件後，落返中環途經「冠君大廈」，想起下面有間「Simplylife」，曾經喺「中環置地店」（現在已關門大吉）食過佢哋嘅烘焙產品，覺得靚正，所以，貪口痕又買個返公司作為下午茶。呢間舖位都幾大，不過主要都喺賣走食，所以唔特別參觀。直接行過去餅櫃望望，睇見啲烘焙產品已經好吸引，款式又多、又靚。睇睇有咩心水先，當然揀番丹麥酥，因為喺最心水嘅產品款式。之前就晌中環店試過榛子丹麥酥，真喺好正，不過今次就改改口味。肉桂丹麥酥 $21除咗外袋，裡面仲包多一層包裝紙，夠晒衛生，打開晒啲包裝紙，散出陣陣玉桂香，唔叫話好犀利，但都一陣陣香氣，外層仲黐滿杏仁片，賣相靚仔。切開睇睇，中間有好強空氣感，所以，食落好鬆軟，然而，外層卻又好脆口，配杯咖啡，喺好嘆嘅辦公室下午茶。對比起有餡嘅丹麥酥，如之前所試嘅榛子醬，或者士多啤梨、藍莓，都覺得比起呢一個肉桂會更正。