甜蜜的家

Open Now

Now Closed

呢個餐好精緻好靚！打咭一流！一個人食都可以試曬咁多種食物！蠔餅超好食！必食！呢個餐最特別嘅地方係每次內容都唔一樣！對於我呢啲胃口細但係乜都想食嘅人就啱曬啦！另外見到剛炸起嘅甜品，即使買返個試吓，，外跪內軟，好有口感！老闆話芝麻係佢自己炒！必試！餐廳小巧，但係裝修好別致，門口幅貓貓畫好搞笑，望住佢食飯心情特別好！老闆話今日好多人做節，見我自己一個食，送咗一粒湯圓俾我。好有人情味。洗手間隔離有個牌，寫住老闆開業嘅心路歷程。完全感受到老闆想給人家的情懷！好溫暖！