宴 尖沙咀

Open Now

Now Closed

前幾日，屋企人都出咗去旅行，我因為要返工而唔可以跟，剩我一個喺屋企。諗住晚餐約幾個朋友一齊食火鍋，結果各個都話要陪女朋友。一氣之下，自己跑去呢間日本餐廳食。不得唔講呢間日本餐廳嘅裝修好精美，走日本風，感覺好似去咗日本食嘢咁。我點咗佢哋嘅松餐放題，係一個火鍋嘅，嗰陣時點咗醬油湯拼豬骨湯。兩種湯底感覺都好好食，好香。呢度所有食物都係任食嘅。第一份就直接嚟咗一盤和牛。肉質好乾淨，睇落好新鮮。放落去煮咗之後，肉香撲鼻，食慾即刻上嚟。呢個牛肉非常軟嫩，口感好好，配埋嗰啲湯，鮮嫩多汁，好美味。後尾仲上咗松葉蟹，放落湯裏面滾咗之後，湯底變得更加甜。呢個蟹肉非常鮮甜，嗰個軟嫩嘅口感亦都非常棒。真係太好食，我一個人直接食咗幾盤。最後仲有一盤三樣料嘅刺身拼盤。擺得好靚，食材亦都好新鮮。我仲攞啲放落湯裏面滾，都係好好食。後尾嘅湯底亦都越變越濃郁，好好飲。雖然係一個人食，但係喺呢個環境食咁好食嘅嘢，亦都非常享受。