花晨月夕

Open Now

Now Closed

香港真係越嚟越多食Omakase嘅餐廳，但係要搵一間可以屹立不倒嘅，呢間都應該係數一數二，原因好簡單，因為呢度嘅質素真係勁高，除咗打卡一流，款式亦都好有創意，價錢亦都相當抵食，加埋呢度交通方便，喺尖沙咀呢一區，所以我每次想食好啲嘅Omakase嘅時候都一定會嚟呢間。第一個食嘅就係打卡好靚嘅combo，有龍珠果、蟹肉toast配caviar、蟹肉玉子豆腐同sardine 魚。重點戲就係個交碟魚入面包住馬糞海膽，上面有魚子醬，本來已經好豪華，但原來師傅會整個泡泡魔術！北海道高木真蠔超大隻，肉質比較脆口，海水味剛剛好。鱈魚白子口感綿密柔滑，好出色。粒貝sashimi都好正。鰤魚燒香咗更香，口感彈牙清爽。松葉蟹天婦羅都係seasonal item之一，幾好食，天婦羅完全唔會有油溢味。壽司就當然好出色啦！食到最尾連個甜品都真係好正，雖然真係食得10分飽，但係個巨峰提子同melon都超甜！