肥仔海南雞專門店 (毅力工業大廈)

Open Now

Now Closed

在觀塘返工已一段日子...工作中午餐，又過來肥仔食海南雞飯。地方細小，主打外賣得一張長吧枱及幾張摺櫈可供客人堂食⋯⋯店員爽手，午飯時間呢度好似打仗！佢哋都應付自如⋯⋯今天當然叫招牌海南雞飯！海南雞賣相好吸引，皮光肉滑。睇見都流口水。金黃色既雞皮唔會太油。面頭都有6-7件雞。去哂骨所以吃起來很方便。食落一啲都唔鞋，好滑！白嫩既雞肉，點埋附送的海南雞醬，酸中帶辣。更加開胃...個飯仲會跟幾片青瓜幾青爽。飯係油飯，米粒分明，香味十足。每粒都帶有雞油香味。份量唔多但一個女仔食都夠飽。仲有個冬瓜湯，味精味重。但冬瓜幾清甜。四十元一個午餐真的超值。