Video
Read full review
2014-01-17
165 views
「上篇」介紹過兩款奶奶雞：辛安東元祖奶奶雞及釡山鮮蠔奶奶雞，「下篇」再繼續分享其他富特色嘅韓菜，有冷盤、小食、主菜！晌點菜紙上，見到菜名旁邊有「雞」公仔商標 ，就表示喺廚師捱介，如果無乜心水想食乜，大可以按此作參考。先講講冷盤啦，冷盤一共有7款選擇，單睇菜名都已甚覺特色，而「辣椒」公仔多寡 ，就概略知其辛辣程度。由於整個菜牌好多嘢我哋都想試，所以冷盤就只揀「膠原蛋白沙律」一樣。 膠原蛋白沙律 $58 以羅馬生菜、車厘茄、紅燈籠椒、洋蔥為沙律底，撈上胡麻醋汁，清爽酸香，晌一片辛辣中成為一道「爽口」清泉。膠原蛋白又喺乜家科？查實喺加入爽口不膩嘅豬手肉而已，配以粗糙石碗盛上，別具雅致 。似乎小食喺大家嘅興趣所在，19款小食我哋就揀嚟當中4款齊品嚐，不過，有食友可大膽，之前都講我哋都無乜邊個食得辣，但都夠膽點上一道有3隻「辣椒」公仔嘅廚師捱介「芝士地獄薄餅」，咁唯有齊齊落地獄試試依個薄餅有幾辛。此外，仲點咗年糕、豚肉及牛肉3款小食。 芝士咖喱年糕 $48 先試嘅小食喺依個年糕，賣相跟點菜紙個樣有少少出入，不過眼前依個以黃色小瓦砵盛載嘅年糕，面層烘得溶溶嘅芝士，賣相更吸引。韓式炒
晌點菜紙上，見到菜名旁邊有「雞」公仔商標 ，就表示喺廚師捱介，如果無乜心水想食乜，大可以按此作參考。先講講冷盤啦，冷盤一共有7款選擇，單睇菜名都已甚覺特色，而「辣椒」公仔多寡 ，就概略知其辛辣程度。由於整個菜牌好多嘢我哋都想試，所以冷盤就只揀「膠原蛋白沙律」一樣。
膠原蛋白沙律 $58
以羅馬生菜、車厘茄、紅燈籠椒、洋蔥為沙律底，撈上胡麻醋汁，清爽酸香，晌一片辛辣中成為一道「爽口」清泉。膠原蛋白又喺乜家科？查實喺加入爽口不膩嘅豬手肉而已，配以粗糙石碗盛上，別具雅致 。
似乎小食喺大家嘅興趣所在，19款小食我哋就揀嚟當中4款齊品嚐，不過，有食友可大膽，之前都講我哋都無乜邊個食得辣，但都夠膽點上一道有3隻「辣椒」公仔嘅廚師捱介「芝士地獄薄餅」，咁唯有齊齊落地獄試試依個薄餅有幾辛。此外，仲點咗年糕、豚肉及牛肉3款小食。芝士咖喱年糕 $48
先試嘅小食喺依個年糕，賣相跟點菜紙個樣有少少出入，不過眼前依個以黃色小瓦砵盛載嘅年糕，面層烘得溶溶嘅芝士，賣相更吸引。韓式炒年糕一向都頗啱食，加入咖喱汁，再放芝士焗，真喺「賣飛弗」。年糕煙韌有咬口，咖喱微辣，惜不及印度嘅香，但絲絲芝士嘅補救，整體味道都喺不俗 。
冰珀豚肉 $58 名字改得有型，不過悟唔出佢喺乜，不過一睇英文翻譯你就大概知：Steamed Pork with Spicy Garlic Sauce。整碟豚肉被醬汁遮晒，一撥開，登時嘩嘩聲 ，皆因豚肉肥到無朋友，小弟一向視膽固醇如無物，就由小弟做炮灰先試為快。首先，個蒜汁幾辣，但就幾香，而豚肉以韓國五花腩蒸煮，把肥油逼出，加上腩片切得非常透薄，所以捲上蔥絲、蘸滿辛香醬汁，肥膩感出奇地唔重喎 。
和牛生菜包 $88 第3個試嘅小食就喺和牛生菜包，賣相的骰精巧，生菜之上，有鹽燒和牛、辣泡菜，沾啲韓式辣醬，集清爽、柔嫩、爽脆嘅口感於一身，味道就濃香與辛辣嘅對襯 ，雖然唔喺廚師捱介嘅菜式，但小弟就認為值得捱介 ！
芝士地獄薄餅 $48 最後分享嘅小食就喺全個餐牌只有佢獲得「3椒」級數嘅薄餅，咪睇佢個樣和和善善，入口就知有幾大殺傷力，佢「內心」有幾「地獄」。批底極之薄，極之脆，批餡喺免治辣豬肉，再加上芝士，做得細細件，三兩口就搞掂一件，不過辣豬肉餡果真「3椒」級，熾熱嘅辣味直衝入喉嚨 。
講到主菜類，亦都有唔少想試菜式，雖然話主菜，除咗個燒鰻魚，其餘7款定價又唔算特別貴，有啲同小食個價錢差唔多，如果唔喺分咗類，真喺易將兩者溝亂。真露煮大蜆 $68
煮大蜆有兩款：辛湯煮或真露煮，真露即喺韓國燒酒，真露煮大蜆就變得似喺西菜嘅白酒煮大蜆。個菜最大亮點喺個外觀，因為大蜆以銅壺呈上，食完蜆，又方便倒出真露清湯享用。蜆隻唔喺好大，肉地薄，鮮味一般咁啦，但都帶有微微酒香。
燒原條鰻魚 $148 原條鰻魚清燒，無加入任何醃料或塗上醬油，燒得帶點金黃，生熟度啱啱好，皮脆肉香，油香嫩滑。隨鰻魚附上醬油、韓式辣醬、泡菜和一小籃生菜，想點樣配搭悉隨尊便，以生菜包住鰻魚，再沾點韓式辣醬，個人覺得最好食 。
板燒牛肋骨 $88 較為傳統嘅韓國牛肋骨菜式，叫此菜純粹試試依度牛肋骨嘅水準。牛肋骨睇嚟光澤不俗，襯以炒洋蔥、秀珍菇墊底，吸收咗肉汁都變得好味啲；而牛肋骨肉味挺濃，肉汁豐盈，只喺鬆軟度差咗少少。
朵朵蔥蛋拌飯 $58 飯麵類一欄我哋無揀到，因為店長推介咗一款招牌拌飯，石頭鍋飯之上，簡簡單單有蔥花、洋蔥粒、紫菜碎，中間放有一隻半生熟溫泉蛋，將所有材料撈勻就食得。飯粒中有蛋汁香，又有清新爽口嘅感覺，又夠熱辣，底下仲有點飯焦，真喺滋味有驚喜 。店長仲教路，不妨將奶奶雞嘅醬汁加入飯內，保證滋味更上二層樓。
新年伊始，就同一眾食友嘆咗餐美味而有特色嘅韓國菜，真希望好味年年，年年好到尾 ！
Post
