8鍋臭臭鍋 (金巴利道) (Closed)

行開尖沙咁搵野食 原本想食韓國野點知行到金巴利道就俾8鍋臭臭鍋吸引見到入面有位 個個一人一鍋個鍋仲好大個 就入去試試我叫左個個芝士牛奶鍋講真好大鍋 見到上面至少有兩種芝士配料都唔少 除左放面的粟米 鳴門卷 貢丸 金菇等等外其實中間仲有小量鳥冬 同埋豬肉配料普通 不過款式多 仲有唔少菜打底自我感覺良好 算叫做健康唔夠飽唔緊要 因為$112價錢係連飯或粉絲個人食量唔算大 所以無叫到飯不過後來有點後悔 因為芝士鍋湯底真係幾正有少少creamy 芝士牛奶香 如果加飯食 應該都唔錯