一鼎‧台式火鍋 (MOSTown新港城中心(4期))

Open Now

Now Closed

平時食火鍋多數都係一大班人，然後叫多個湯底又或者點個鴛鴦湯底一齊share咁。不過有時人少少，想試多款野，又或者唔想同人口水交融，一人一鍋就係一個好好嘅選擇。一鼎台式火鍋有多款湯底選擇，蕃茄又有、麻辣又有、鰹魚都有，款款都十分有特色。值得推介一下佢地嘅《澳洲純和牛餐或澳洲200日純穀飼牛餐》，咁200日純穀飼牛當然係任食啦，肉質鮮嫩牛味濃，真係食到停唔到口。此外，仲有牛舌同豚肉等，總有一款啱你。除左牛之外，打邊爐當然唔少得海鮮啦，帶子大大粒，肉質飽滿鮮甜，仲有爽口彈牙嘅魷魚，真係超級正。而且仲有多款餃類同滑，款款都充滿台灣特色。另外自助嘅有多款蔬菜、丸類同粉麵，滿足唔同人嘅需要。值得一提嘅係，除左雪櫃嘅飲品任飲，仲可以免費order台式飲料，就連生啤都可以任飲，真係超級爽。打完邊爐當然要食返杯雪糕又或者order個台式糖水食下啦，個餐都係包埋架。