Video
Read full review
2021-09-01
342 views
邊個話淨係冬天先適合打邊爐？對我嚟講日日都可以係binno day🍲！今次同男朋友去咗馬祖食台灣藥膳養生火鍋放題，湯底選擇多達12款，而且有超過30款火鍋配料同15款飲品，仲可以任食Movenpick雪糕，真係超級抵食，啱晒我呢啲咩都想食嘅為食妹👧🏻。🍲Prime Grade牛肩胛肉放題套餐 $203打邊爐最開心梗係一人一鍋，因為男朋友唔食辣，成日都搞到我冇得食麻辣湯底。今次就可以分開，我就揀咗小辣嘅藥膳麻辣湯🌶，味道較重口味，可能要加多少少湯。但麻辣度唔算太強，湯底可以食得出藥膳味道，但唔會係甘苦嘅中藥味，只係淡淡嘅藥膳香氣。男朋友就揀咗藥膳田園番茄濃湯，真係超級濃嘅番茄濃湯味，好啱我哋兩個嘅口味。我哋之後再加多咗番茄🍅入去煮，越煮越濃，可以擺啲吸附湯汁嘅材料入去煮，例如米粉或者娃娃菜，超級入味🤩。值得一提嘅係，加湯都唔係淨係加清水，而係加藥膳高湯，保持湯底質素。今次我哋選擇咗可以任食牛肩胛肉🐮同埋西班牙無激素豬肉片🐖嘅套餐，仲可以自取台灣沙茶牛肉、雞腿肉同埋深海魚柳。自取區食物種類繁多，仲有好多其他丸類同蔬菜🥬，仲有比較特別嘅台灣腸、米血糕、甜不辣。真係多到試唔晒呀，全部都好新鮮，
🍲Prime Grade牛肩胛肉放題套餐 $203
打邊爐最開心梗係一人一鍋，因為男朋友唔食辣，成日都搞到我冇得食麻辣湯底。今次就可以分開，我就揀咗小辣嘅藥膳麻辣湯🌶，味道較重口味，可能要加多少少湯。但麻辣度唔算太強，湯底可以食得出藥膳味道，但唔會係甘苦嘅中藥味，只係淡淡嘅藥膳香氣。男朋友就揀咗藥膳田園番茄濃湯，真係超級濃嘅番茄濃湯味，好啱我哋兩個嘅口味。我哋之後再加多咗番茄🍅入去煮，越煮越濃，可以擺啲吸附湯汁嘅材料入去煮，例如米粉或者娃娃菜，超級入味🤩。值得一提嘅係，加湯都唔係淨係加清水，而係加藥膳高湯，保持湯底質素。
今次我哋選擇咗可以任食牛肩胛肉🐮同埋西班牙無激素豬肉片🐖嘅套餐，仲可以自取台灣沙茶牛肉、雞腿肉同埋深海魚柳。自取區食物種類繁多，仲有好多其他丸類同蔬菜🥬，仲有比較特別嘅台灣腸、米血糕、甜不辣。真係多到試唔晒呀，全部都好新鮮，基本上都冇啲好伏嘅火鍋料。不過我哋都專注食肉，最後兩個人都食咗3碟牛同3碟豬，食量驚人。
飲品方面，肥仔水係我嘅基本配備✅（肥妹係唔會飲zero㗎😤！），仲有好多降火解膩嘅飲品，略略數過都有成21種飲品任君選擇，仲好貼心地有暖茶提供☕️。最最最最最後一定唔可以少咗雪糕環節，平時好多放題餐廳只會提供3-4款雪糕，呢到足足有成13款。不過我哋真係太飽啦，最後忍痛只能夠食到Movenpick🍦，下次一定要留肚試多幾款雪糕先。
👅評分：8.5/10
Post
