HIPOT (Closed)

突然想食打邊爐，見到HIPOT，MENU都未睇未知係點食就走左入去，一入門口見到自選拌醬就以為係任食，原來係逐碟叫或者叫套餐。(套餐已包兩人湯底，任飲)原來呢到係每人俾一個清湯鍋，因應個人喜好去選擇沙嗲、蕃茄、龍蝦、豬骨或麻辣湯底。我選了沙嗲，男朋友選了龍蝦，個人覺得沙嗲湯比較香濃，而龍蝦湯較清。我們叫了兩人餐，都幾抵食喎二百幾蚊，每款都係雙數唔洗爭象拔蚌好鮮好爽，牛肉滑出乎意料好味，蝦好味好甜，花膠拎黎煲湯到最尾食正!!不過螺肉就好UN就麻麻地。另外有一大盤野菜雜菇，值得讚係菜係新鮮唔係俾啲爛晒既你。***************************套餐包括和牛，上枱覺得不太吸引，放入口我同男朋友對望，牛好香好滑，係堅正既!!不過好似MENU無呢隻牛叫??想再食都冇??唔知係咪睇漏眼呢***************************我們再額外叫了炸魚皮同生蠔，炸魚皮唔好食，生蠔新鮮三十幾蚊滿意!*************************套餐還有一包烏冬一包超力米粉，飽到食唔落。