Video
Read full review
2023-02-20
80 views
同朋友約食飯因為天氣凍特別想食下火鍋晚市90分鐘川滬1人前鍋物放題網上預購$218 及後到場比尾數$234記埋茶錢最後$250/1位比起一般任食晚市價相約但平了少許，食物款式唔多，但可以試到店內招牌。點了三款湯底，3個人意外的只提供2個鍋。湯底：滬式金湯雲吞雞 × 1老檀酸菜魚 × 1濃茄雜錦海鮮 × 1雲吞雞 煲本來已經細，仲要有唔少雞肉湯渣，雲吞滾咗一段時間都無爛，好意外。但我特別喜愛依個湯底比較清新冇其他湯重口味。酸菜魚湯味度幾好，對於唔多食辣嘅我嚟講有少少辣，但湯面有點油。濃茄雜錦海鮮，有養生感覺，湯底唔會似元素表，食得出真材實料。鍋本來唔大，分了2款湯更細，食物要等耐啲，本身湯底都有料可放食物唔多。火鍋料方面，我特別喜歡水晶寬粉。比較少出面食到，而且以川菜少辣為招牌的店食酸辣湯配水晶寬粉特別有風味。朋友喜歡食萵荀似青瓜但更乾身爽口。肉類 我哋點菜點肉食得好開心。始終3個女孩食得慢量又唔多。肉質雖然普通，但我哋都食得好過癮，火鍋湯底都幾好飲。丸類 。魚蛋普普通通無咩驚喜，魚皮餃因為唔係出名嘅牌子，唔及屋企食開的好食。皮厚又無咩鮮味。雲吞小巧可口，但未到一食再食嘅程度。燕餃試食了
同朋友約食飯因為天氣凍特別想食下火鍋
晚市90分鐘川滬1人前鍋物放題
網上預購$218 及後到場比尾數$234記埋茶錢最後$250/1位
比起一般任食晚市價相約但平了少許，食物款式唔多，但可以試到店內招牌。
點了三款湯底，3個人意外的只提供2個鍋。
湯底：
滬式金湯雲吞雞 × 1
老檀酸菜魚 × 1
濃茄雜錦海鮮 × 1
雲吞雞 煲本來已經細，仲要有唔少雞肉湯渣，雲吞滾咗一段時間都無爛，好意外。但我特別喜愛依個湯底比較清新冇其他湯重口味。酸菜魚湯味度幾好，對於唔多食辣嘅我嚟講有少少辣，但湯面有點油。濃茄雜錦海鮮，有養生感覺，湯底唔會似元素表，食得出真材實料。
鍋本來唔大，分了2款湯更細，食物要等耐啲，本身湯底都有料可放食物唔多。
火鍋料方面，我特別喜歡水晶寬粉。比較少出面食到，而且以川菜少辣為招牌的店食酸辣湯配水晶寬粉特別有風味。朋友喜歡食萵荀似青瓜但更乾身爽口。
肉類 [美國肥牛，鮮嫩滑牛，豬腩片，牛柏葉]我哋點菜點肉食得好開心。始終3個女孩食得慢量又唔多。肉質雖然普通，但我哋都食得好過癮，火鍋湯底都幾好飲。
丸類 [魚蛋，魚皮餃，雲吞，燕餃，芝士腸，墨魚丸，菜肉雲吞]。魚蛋普普通通無咩驚喜，魚皮餃因為唔係出名嘅牌子，唔及屋企食開的好食。皮厚又無咩鮮味。雲吞小巧可口，但未到一食再食嘅程度。燕餃試食了就好了。平日屋企買的芝士腸太好食了，有點落差感食唔慣。整體來說普通火鍋料。
其他類別 [鴨血，炸魚角]個人特別愛好鴨血，但煮落中間都係冇咩味。炸魚角串燒小小醬汁係面，小巧好食。
菜類&豆腐 [凍豆腐 ，津白，萵筍，鮮冬菇，雞髀菇，金針菇，茶樹菇，木耳]。菜嘅選擇比較少。好似食極都多肉少菜。凍豆腐清清地配有少少芝麻醬都幾好食。
即食的飯麵類 [水晶寬粉，四川擔擔麵]。四川擔擔麵好有水準。水晶寬粉少辣少香好有風味。辣皮蛋口感同辣醬都幾好。個人偏好。
招牌小籠包
值得一讚小籠包，就算有好多其他嘢食，我哋全餐都點了2籠。肉汁湯汁非常多，食得好開心。
醉雞同口水雞
肉質同口感都好有水準。食火鍋之外有依啲冷盤食都幾開心。
冰粉芋圓地瓜圓甜品
令人失望嘅甜品。冰粉口感幾好配上花奶少甜好食。但芋圓地瓜圓令人非常失望，根本未解好凍未煮軟。
桂花酒釀丸子
都係非常失望，非常甜，糖水很濃稠，圓子好似煲好耐好淋，只有少少口感。
整體來說，火鍋料外，店的辣醬及小籠包、擔擔麵都很出色。但其他食物就普普通通。下次再去都係點菜食開心啲。火鍋來說志在坐下傾下計，對食物款色，質素要求唔高都係好選擇。可以試埋店內其他嘢食。火鍋湯底算幾出色。
老檀酸菜魚 湯底
1 views
0 likes
0 comments
滬式金湯雲吞雞及濃茄雜錦海鮮
1 views
0 likes
0 comments
招牌小籠包
2 views
0 likes
0 comments
招牌小籠包
1 views
0 likes
0 comments
炸魚角串
0 views
0 likes
0 comments
辣皮蛋
0 views
0 likes
0 comments
涼伴萵筍絲
0 views
0 likes
0 comments
豬腩片及肥牛
0 views
0 likes
0 comments
涼伴薯仔絲
0 views
0 likes
0 comments
冰粉芋圓地瓜圓
1 views
0 likes
0 comments
鮮牛肉、魚皮餃
0 views
0 likes
0 comments
Post
