潮食地 (Closed)

呢日放工之後同屋企人去左荔枝角呢間茶餐廳食dinner，呢間茶餐廳既環境都幾好，光猛又乾淨。打開餐牌，見到呢度都有幾多選擇，晚市有好多唔同款既港式小炒，感覺好吸引。我地見到呢度新推出左一人前石燒，估唔到喺茶餐廳都有燒肉食，我地一人點左一份。呢個一人前餐入面有好靚既牛小排，望落去油脂分佈分明。石板夠哂熱，可以即燒即食，好正，不過燒既時候要小心啲，唔好掂到塊石。牛肉放上石板燒，勁香，食落去肉味濃。配埋加左飯素既飯同埋溏心蛋，正。