鴻福堂 (Closed)

呢間店舖我已經光顧了差不多五年，每一位姐姐也非常幫忙，每一次也會提醒積分到期日，又會推介每一天的特別優惠，已經習慣了每星期過嚟呢度買野食。今日想食清啲，專登又黎買晚餐，姐姐推介番茄濃湯集材螺絲粉，同清肝排毒紅菜頭姫松茸雜豆素湯。呢個餐成為40元。抵食！番茄濃湯雜菜螺絲粉好好味，有新鮮蕃茄味，雜菜有洋蔥椰菜甘筍西芹，螺絲粉軟硬適中，仲係三色螺絲粉添。至於個清肝排毒紅菜頭姫松茸雜豆素湯係好清，成份有紅菜頭粟米蕃茄西芹甘筍大豆扁豆黑豆姫松茸蜜棗薑，味道因為有番茄嘅關係其實有點酸，感覺很健康。