Metal Steak (Closed)

餐廳位置在中理與西環中間的歌賦街，即在蓮香對上，九記牛腩直走至街尾。晚上6點多來到不用等，走進門內，即有職員指示先看餐牌，點了扒付款再入內，就按著門口餐牌揀選，會有廚司即切即磅，即燒。但唔夠好係無地方display塊扒既實物真身，直至你落order出黎切，先睇到，如可這裏改善更好。但當然。。。你可以要求佢show哂俾你睇先再切。咁無參考下，叫左做緊半價既西班牙黑毛豬。一個人只想淺嘗，叫佢切最少既份量俾我(最少約order120g)，再入內等扒到。打完折後，盛惠$112 ，廚師推介食3-5成，聽話5成熟。裝修有格調，站著坐著吃也舒服，沒有好大油煙。桌上有鹽，黑胡椒，薄荷醬，沙律醬，柚子醬。吃靚扒，只愛落鹽吃原味，栗米配菜則加些柚子及沙律醬，清新點。扒煎得香口，肉質嫩滑，有質素的豬扒，絕對不遜色於牛扒，切開粉紅色，肉汁多又不太肥，半價實在抵。有心食餐快，靚，正扒，又唔想自己煎，又或者講情調，此處推介。