misocool (Closed)

本來今晚約左阿娘，點知阿娘突然話唔得閒，唯有食自己，可惜唔記得睇openrice 就入左去，伏左！咖哩雞扒飯（詳細咩名我唔記得），真係十萬個 so sad 😤我等左半個鐘都有，我落單時，隔離枱的5大1小童都未入坐，到隔離枱已到3份食物😡，我都未有😡，咁叫左侍應問問係唔記得落單定乜事咁耐，侍應解釋係因為雞扒好厚，所以炸得比較耐，好....我就比少少耐性等😤！上到枱一食....又話要炸得耐，咬落去只係有少少微溫都唔可以叫暖😡，飯同汁直頭唔熱😡！食左幾啖😡，飯同汁都變凍😡！唔怪得商場入面好多間食店都要等位，這間就到我食完走（約20:00）應該是食飯高峰時間都無人等位一碟咖哩雞扒飯，是單叫，不是套餐，沒有飲品，只有清水一杯和中華沙津，$57 晚餐來說不算是很貴，加上在荷李活廣場，但set 得呢個價錢都要比返少少心機，一句話炸雞係炸得耐，但上到枱只有微溫，飯同汁真頭唔熱，根本沒有用心經營一間食店。