8鍋臭臭鍋 (金巴利道) (Closed)

見到呢到主打台式火鍋，好似幾有趣。有成9款鍋物比你簡，最後試左芝士牛奶鍋，可以簡配飯/粉絲，我就簡左粉絲。等左5-10 分鐘就會上菜，職員會幫你點火，呢到要比少少耐性等佢滾。叫左牛奶鍋，湯底奶白色，重奶味，岩曬我口味！因為同朋友黎食，都叫左d小食，叫左鹽酥雞同炸花枝丸。花枝丸有6粒，算係幾抵食。上面有本身調好既醬，酸酸甜甜既，幾開胃。 呢到有好多款台式飲品，最後簡左香芋奶茶，佢係用外賣包裝比你，好似台式飲品店個種包裝，飲唔曬方便帶走繼續飲。個鍋入面都有好多料，就算唔叫小食都絕對夠飽。 最特別係個蛋餃，同平時食開既餃子唔係好一樣，個皮用蛋整，都幾得意。豚肉都有好多塊，菜都有唔少。感覺上有菜有肉，食落冇咁油。