蘇哥清湯腩

Open Now

Now Closed

去尖沙咀去蘋果維修電話，比預期時間快整好，向海港城方面行，見到新港中心維修中，好耐無行。而家個地庫好旺好多人好多選擇，見到蘇哥清湯腩，食過沙田科學園幾次，不過尖沙咀分店餐牌上的食物與價錢跟沙田分店不一樣。清湯崩沙清湯牛腩麵$61 ，轉河粉，飲一啖湯。 嘩，非常香濃的牛骨湯。河粉用好幼身的河粉，好滑口。牛腩絕對係高水準，肥瘦均勻 。另外單點清湯蘿蔔，好清甜，蘿蔔好合時，而家食補肺。以快餐快食為主，小食有油菜，炸魚皮。