Video
Read full review
2022-08-11
2653 views
燒肉Like (新城市廣場1期)每次經過哩間燒肉店都排曬長龍，今次都唔例外，雖然人流去得算快，但都等咗起碼大半個鐘。一入到去，被安排到高椅位，每個位都有一個燒烤爐，旁邊有好多唔同醬料同調味料，可以任意調製自己鍾意嘅味道。而餐具就擺咗喺枱下面嘅拉櫃。哩度係手機落單嘅，成個過程都好個人化，好啱一個人嚟。今次同朋友各自叫咗個餐，仲加多咗客鰻魚。每個套餐都包咗白飯，和風湯，泡菜或沙律。-------------------------美國西冷牛排 180g $ 185原塊嘅牛排上碟時已經被切好，方便燒烤。肉質偏韌，牛味都冇想像中咁濃。味道偏淡，點吓醬料會好啲。以哩個價錢嚟講有啲貴壽喜牛小排&牛五花 200g $135牛小排本身已經有壽喜燒醃料，厚度適中，好易烤熟，而且油脂分佈幾好，肉質柔軟，哩款幾有牛味👍哩個套餐仲可以揀生蛋或溫泉玉子而牛五花略嫌太薄，食落唔太滿足。味道都唔太出，要點醬料提吓味和風湯好香麻油味，個人嚟講幾鍾意，但同行朋友嫌油咗啲沙律沙律菜新鮮，上面有好香嘅麻油味，同和風湯嘅味道差唔多鰻魚 +$48有2塊size唔細嘅鰻魚。根據店員所講，每面燒3分鐘就啱啱好。燒完嘅鰻魚更加香，肉
每次經過哩間燒肉店都排曬長龍，今次都唔例外，雖然人流去得算快，但都等咗起碼大半個鐘。一入到去，被安排到高椅位，每個位都有一個燒烤爐，旁邊有好多唔同醬料同調味料，可以任意調製自己鍾意嘅味道。
而餐具就擺咗喺枱下面嘅拉櫃。哩度係手機落單嘅，成個過程都好個人化，好啱一個人嚟。今次同朋友各自叫咗個餐，仲加多咗客鰻魚。每個套餐都包咗白飯，和風湯，泡菜或沙律。
-------------------------
美國西冷牛排 180g $ 185
原塊嘅牛排上碟時已經被切好，方便燒烤。肉質偏韌，牛味都冇想像中咁濃。味道偏淡，點吓醬料會好啲。以哩個價錢嚟講有啲貴
壽喜牛小排&牛五花 200g $135
牛小排本身已經有壽喜燒醃料，厚度適中，好易烤熟，而且油脂分佈幾好，肉質柔軟，哩款幾有牛味👍哩個套餐仲可以揀生蛋或溫泉玉子
而牛五花略嫌太薄，食落唔太滿足。味道都唔太出，要點醬料提吓味
和風湯
好香麻油味，個人嚟講幾鍾意，但同行朋友嫌油咗啲
沙律
沙律菜新鮮，上面有好香嘅麻油味，同和風湯嘅味道差唔多
鰻魚 +$48
有2塊size唔細嘅鰻魚。根據店員所講，每面燒3分鐘就啱啱好。燒完嘅鰻魚更加香，肉質幾厚實。本身已經醃得幾入味，若嫌唔夠味，可以點埋附上嘅鰻魚汁
-------------------------
可能期望太高，加上等位都等咗段時間，食物好似冇想像中咁好食，中規中矩。但哩度嘅賣點就係一人一個燒肉爐，就算係自己一個燒肉都唔尷尬，仲可以自己控制火候，係一個人嘅浪漫。如果突然燒肉癮起，又得自己一個嘅話，都可以嚟止下癮。
燒肉Like (新城市廣場1期)
地址
🎈沙田沙田正街18號新城市廣場1期4樓408號舖
Post
